Dhoomam | పుష్ప.. ది రైజ్తో తెలుగులో సూపర్ ఫ్యాన్ ఫాలోయింగ్ సంపాదించుకున్నాడు మలయాళ స్టార్ హీరో ఫహద్ ఫాసిల్ (Fahadh Faasil). ఈ స్టార్ యాక్టర్ నటిస్తోన్న లేటెస్ట్ ప్రాజెక్ట్ ధూమం (Dhoomam) పాన్ ఇండియా కథాంశంతో వస్తుందని ఇప్పటికే అప్డేట్ అందించారు మేకర్స్. ఈ చిత్రం మలయాళంతోపాటు తెలుగు, తమిళం, కన్నడ భాషల్లో గ్రాండ్గా విడుదల కానుందన్న వార్త కూడా వచ్చింది. అయితే తాజాగా ఓ గాసిప్ ఇండస్ట్రీ సర్కిల్ లో రౌండప్ చేస్తోంది. ప్రస్తుతానికి ధూమం తెలుగు వెర్షన్ విడుదల కావడం లేదట.
మొదట మలయాళ వెర్షన్ రిలీజ్ చేసిన తర్వాత.. సినిమాకు వచ్చిన సక్సెస్ టాక్ను బట్టి ఇతర భాషల్లో విడుదల చేయాలని ప్లాన్ చేస్తున్నట్టు న్యూస్ హల్ చల్ చేస్తోంది. మలయాళ వెర్షన్ రిలీజయ్యాక వారం తర్వాత మిగితా భాషల్లో తీసుకురావాలని అనుకుంటున్నారని టాక్. ప్రస్తుతం హైదరాబాద్తోపాటు ఇతర పట్టణాల్లో కేవలం మలయాళ వెర్షన్ బుకింగ్స్ మాత్రమే అందుబాటులో ఉంచారట మేకర్స్. ధూమం విడుదలపై తాజా వార్తలకు సంబంధించి మేకర్స్ ఏదైనా క్లారిటీ ఇస్తారేమో చూడాలంటున్నారు మూవీ లవర్స్.
కేజీఎఫ్ లాంటి హిట్ ప్రాంచైజీని అందించిన అగ్ర చిత్ర నిర్మాణ సంస్థ హోంబలే ఫిలిమ్స్ (Hombale Films) ఈ చిత్రాన్ని తెరకెక్కిస్తోంది. ఈ మూవీ హోంబలే ఫిలిమ్స్ కు మొదటి మలయాళ ప్రాజెక్ట్ కావడం విశేషం. ధూమం చిత్రానికి సెన్సార్ బోర్డు ఇటీవలే క్లీన్ యూ/ఏ సర్టిఫికెట్ జారీచేసింది. ఈ చిత్రాన్ని జూన్ 23న ప్రపంచవ్యాప్తంగా థియేటర్లలో విడుదల చేస్తున్నారు.
ధూమంలో కోలీవుడ్ భామ అపర్ణ బాలమురళి హీరోయిన్గా నటిస్తోంది. ఇప్పటికే విడుదల చేసిన ధూమం ఫస్ట్ లుక్, ట్రైలర్ సినిమాపై అంచనాలు పెంచేస్తున్నాయి. ధూమంలో అచ్యుత్ కుమార్, వినీత్, జాయ్ మాథ్యూ, దేవ్ మోహన్, అనూ మోహన్, నందు కీలక పాత్రల్లో నటిస్తున్నారు.
ధూమమ్ ట్రైలర్..