Esha Gupta: రెండు చెంప‌లు వాయిస్తానంటూ ఈషా గుప్తా ఫైర్

బాలీవుడ్‌లో హీరోయిన్‌ గా, లేడీ విలన్‌ గా, క్యారెక్టర్ ఆర్టిస్టుగా అల‌రించిన అందాల ముద్దుగుమ్మ ఈషా గుప్తా. ‘ఏక్‌ బార్‌…ఏక్‌ బార్’ అంటూ ‘వినయ విధేయ రామ’ సినిమాలో రామ్‌చరణ్‌తో స్టెప్పులేసిన ఈ భామ తెలుగు ప్రేక్ష‌కుల‌ని ఎంత‌గానో అల‌రించింది.సోష‌ల్ మీడియాలో చాలా యాక్టివ్‌గా ఉండే ఈషా గుప్తా వీలున్న‌ప్పుడ‌ల్లా హాట్ హాట్ అందాల‌తో హీటెక్కిస్తుంటుంది. తాజాగా ఈ అమ్మ‌డు బాల్కానీలో సన్‌బాతింగ్‌ చేస్తున్న ఫొటోలను ఇన్‌స్టాలో పోస్ట్‌ చేసింది.

ఇషా ఫొటోల‌పై కొంద‌రు నెగెటివ్ కామెంట్స్ చేయ‌డంతో వారికి గ‌ట్టిగా స‌మాధానం ఇచ్చింది ఇషా. ఇన్నాళ్లు నాపై ట్రోల్స్ చేసే వారిని చూసి బాధ‌ప‌డేదాన్ని. ప్రస్తుతం అలాంటి ట్రోల్స్‌ను పట్టించుకోవడం మానేశాను. వాటికి అసలు స్పందించకూడదని గట్టిగా నిర్ణయించుకున్నాను. రీసెంట్‌గా నేను షేర్ చేసిన ఫొటోల‌కు దారుణ‌మైన కామెంట్స్ చేస్తున్నారు. చాలా మంది మేల్‌ యాక్టర్స్‌ షర్ట్‌ లేకుండా ఫొటోలు షేర్‌ చేస్తే ‘మీ బాడీ సూపర్బ్‌గా ఉంది’ అంటూ సానుకూలంగా కామెంట్‌ చేస్తారు. మ‌రి మ‌హిళ‌ల విష‌యంలో ఎందుకిలా అని ప్ర‌శ్నించింది.

చీర ధరించి ఫొటో షేర్‌ చేస్తే ‘ఈరోజు మీరు పూర్తి దుస్తులు ధరించారు’ అని వెటకారం చేస్తారు. మేకప్‌ ధరించిన ఫొటోలను పంచుకుంటే ‘ప్లాస్టిక్‌ బ్యూటీ’ అని కామెంట్లు పెడతారు. మేకప్‌ లేని ఫొటోలను షేర్‌ చేస్తే ‘నువ్వు అందంగా లేవు. ముఖానికి మేకప్‌ వేసుకో’ అని సలహాలు ఇస్తారు. ఆడవాళ్లపై వివక్ష ఇంకా కొనసాగుతోంది. నా విషయానికొస్తే.. నేను మానసికంగా ఎంతో బలవంతురాలిని. ఎవరైనా ఒకసారి నా చెంపమీద కొడితే నేను రెండుసార్లు వారి చెంపలు వాయిస్తాను’’ అంటూ ఈషా నెటిజన్లకు స్ట్రాంగ్‌ కౌంటర్‌ ఇచ్చింది.