Dunki Movie | సైలెంట్‌గా కలెక్షన్స్ కొల్లగొడుతున్న షారుఖ్ ‘డంకీ’.. వారం రోజుల్లోనే రూ.305 కోట్లు

Dunki Movie | బాలీవుడ్ స్టార్ హీరో షారుఖ్ ఖాన్ ఈ ఏడాది హ్య‌ట్రిక్ హిట్స్‏తో ఫుల్ జోష్ మీదున్నాడు. ఇప్ప‌టికే పఠాన్, జవాన్ సినిమాలతో వరుసగా రెండు బ్లాక్ బస్టర్ హిట్స్ ఖాతాలో వేసుకున్న షారుఖ్ తాజాగా డంకీ సినిమాతో హ్య‌ట్రిక్ అందుకున్నాడు.

Dunki Movie| బాలీవుడ్ స్టార్ హీరో షారుఖ్ ఖాన్ ఈ ఏడాది హ్య‌ట్రిక్ హిట్స్‏తో ఫుల్ జోష్ మీదున్నాడు. ఇప్ప‌టికే పఠాన్, జవాన్ సినిమాలతో వరుసగా రెండు బ్లాక్ బస్టర్ హిట్స్ ఖాతాలో వేసుకున్న షారుఖ్ తాజాగా డంకీ సినిమాతో హ్య‌ట్రిక్ అందుకున్నాడు. స్టార్ డైరెక్టర్ రాజ్ కుమార్ హిరాణి దర్శకత్వంలో షారుఖ్ నటించిన ఈ కామెడీ ఎంటర్‌టైనర్ డిసెంబర్ 21న ప్రేక్ష‌కుల ముందుకు వ‌చ్చి పాజిటివ్ టాక్‌తో ప్ర‌స్తుతం ర‌న్ అవుతుంది.

మొద‌టిరోజు నుంచి ఈ సినిమా క‌లెక్ష‌న్స్ యావ‌రేజ్‌గానే ఉండ‌గా.. మెల్లిమెల్లిగా బాక్సాఫీస్ వద్ద మంచి కలెక్షన్స్ (Box Office collections) రాబడుతోంది. తాజా సమాచారం ప్రకారం. ఈ సినిమా ఫస్ట్ వీకెండ్‌లో కలెక్ష‌న్స్ చూసుకుంటే.. 8 రోజుల్లో రూ.305 కోట్లు వ‌సూళ్లు రాబ‌ట్టింది. మొద‌ట ఈ సినిమా క‌లెక్ష‌న్స్ దారుణంగా ఉండ‌గా.. ఇప్పుడు ప‌రుగులు పెడుతుంది. ఇక రానున్న వీకెండ్‌తో మ‌రో రూ.100 కోట్లు డంకీ వ‌సూలు చేసే అవ‌కాశం ఉంది.

ఇక ఈ సినిమా క‌థ విష‌యానికి వ‌స్తే.. పంజాబ్‌లోని ఓ చిన్న గ్రామంలో నలుగురు స్నేహితులు ఇంగ్లండ్ వెళ్ళాలి అనుకుంటారు. అయితే వారు వెళ్ల‌డానికి డ‌బ్బు కానీ, వీసాల‌కి త‌గినంత చ‌దువు కానీ ఉండ‌దు. ఈ క్ర‌మంలోనే ఆ ఊరికి వ‌చ్చిన హార్డీ సింగ్ (షారుక్‌ ఖాన్‌) వారి ప‌రిస్థితిని అర్థం చేసుకుని ఇంగ్లండ్ తీసుకెళుతానని చెబుతాడు. దీనికోసం హార్డీ ప్ర‌ణాళిక‌లు చేస్తాడు. అయితే ఈ ఐదుగురిలో ఒకరికి మాత్ర‌మే వీసా వ‌స్తుంది. మిగిలిన‌వారికి దారులు మూసుకుపోతాయి. ఈ క్ర‌మంలోనే వారు ఇంగ్లండ్ వెళ్ల‌డానికి అక్రమ మార్గం ఎంచుకుంటారు. దొంగతనంగా డంకీ ట్రావెల్‌ ద్వారా లండన్​కు వెళ్లాలి అనుకుంటారు. మరి వారి ప్రయత్నం ఎంతవరకు సక్సెస్ అయ్యింది? ఈ ప్రయాణంలో ఎదురైన ఇబ్బందులు ఏంటి? అసలు వాళ్ళు లండన్ కి ఎందుకు వెళ్ళాలి అనుకుంటున్నారు? అనేది అసలు కథ.