Jailer 2 | ఓటీటీలోకి రజనీకాంత్ ‘జైలర్ 2’.. స్ట్రీమింగ్ డేట్ ఫిక్స్, డిలీటెడ్ సీన్స్‌పై అభిమానులకు నిరాశ!

Jailer 2 | సూపర్ స్టార్ రజనీకాంత్ నటించిన భారీ యాక్షన్ ఎంటర్‌టైనర్ ‘జైలర్ 2’ బాక్సాఫీస్ వద్ద సంచలన విజయాన్ని అందుకున్న సంగతి తెలిసిందే. దర్శకుడు నెల్సన్ దిలీప్‌కుమార్ తెరకెక్కించిన ఈ చిత్రం ప్రపంచవ్యాప్తంగా రూ.800 కోట్లకు పైగా వసూళ్లు సాధించి బ్లాక్‌బస్టర్‌గా నిలిచింది.

Jailer 2 | సూపర్ స్టార్ రజనీకాంత్ నటించిన భారీ యాక్షన్ ఎంటర్‌టైనర్ ‘జైలర్ 2’ బాక్సాఫీస్ వద్ద సంచలన విజయాన్ని అందుకున్న సంగతి తెలిసిందే. దర్శకుడు నెల్సన్ దిలీప్‌కుమార్ తెరకెక్కించిన ఈ చిత్రం ప్రపంచవ్యాప్తంగా రూ.800 కోట్లకు పైగా వసూళ్లు సాధించి బ్లాక్‌బస్టర్‌గా నిలిచింది. థియేటర్లలో ప్రేక్షకులను విశేషంగా అలరించిన ఈ సినిమా ఇప్పుడు డిజిటల్ ప్రేక్షకులను పలకరించేందుకు సిద్ధమవుతోంది. నవంబర్ 12, 2026 నుంచి ప్రముఖ ఓటీటీ ప్లాట్‌ఫామ్ అమెజాన్ ప్రైమ్ వీడియోలో ఈ సినిమా స్ట్రీమింగ్ కానుంది. ఇప్పటికే ఓటీటీ విడుదలపై అభిమానుల్లో భారీ అంచనాలు నెలకొన్నాయి.

‘జైలర్ 2’ ఓటీటీ హక్కులను అమెజాన్ ప్రైమ్ వీడియో సొంతం చేసుకుంది. ఈ నేపథ్యంలో నవంబర్ 12 నుంచి ప్రపంచవ్యాప్తంగా డిజిటల్ స్ట్రీమింగ్ ప్రారంభించనున్నట్లు సమాచారం. థియేటర్లలో భారీ విజయాన్ని అందుకున్న ఈ సినిమా ఓటీటీలో ఎలాంటి ఆదరణ సొంతం చేసుకుంటుందనేది ఇప్పుడు ఆసక్తికరంగా మారింది. థియేటర్లలో సినిమాను చూడలేకపోయిన ప్రేక్షకులతో పాటు మరోసారి తమ అభిమాన సూపర్ స్టార్‌ను తెరపై చూసేందుకు రజనీకాంత్ అభిమానులు ఎదురుచూస్తున్నారు. ఇదిలా ఉంటే ‘జైలర్ 2’ ఓటీటీ వెర్షన్‌పై అభిమానులు ఎన్నో ఆశలు పెట్టుకున్నారు. ముఖ్యంగా థియేటర్లలో విడుదలైన వెర్షన్‌తో పోలిస్తే ఓటీటీలో అదనపు సన్నివేశాలు ఉంటాయని, తొలగించిన సీన్స్‌ను కూడా జతచేస్తారని చాలామంది భావించారు. సినిమా నిడివి పెరుగుతుందని, మరిన్ని ఆసక్తికరమైన సన్నివేశాలు చూసే అవకాశం లభిస్తుందని అంచనా వేశారు.

అయితే అమెజాన్ ప్రైమ్ వీడియో వెల్లడించిన సమాచారం ప్రకారం ఈ సినిమా ఓటీటీ వెర్షన్ నిడివి 2 గంటల 43 నిమిషాలుగా ఉండనుంది. దీంతో థియేటర్లలో విడుదలైన వెర్షన్‌కు అదనంగా కొత్త సన్నివేశాలు జతచేసే అవకాశం లేదని తెలుస్తోంది. అంటే ఓటీటీలో కూడా ప్రేక్షకులు థియేటర్లలో చూసిన వెర్షన్‌నే చూడబోతున్నారు. డిలీటెడ్ సీన్స్ కోసం ఎదురుచూస్తున్న అభిమానులకు ఇది కొంత నిరాశ కలిగించే విషయమే. భవిష్యత్తులో చిత్రబృందం తొలగించిన సన్నివేశాలను ప్రత్యేకంగా విడుదల చేస్తుందేమో చూడాలి. సన్ పిక్చర్స్ నిర్మించిన ఈ చిత్రంలో రజనీకాంత్‌కు జోడీగా రమ్యకృష్ణ కీలక పాత్రలో నటించారు. అంతేకాకుండా మోహన్‌లాల్, శివరాజ్‌కుమార్, మిర్నా, హృతిక్ రోషన్, విద్యాబాలన్, మిథున్ చక్రవర్తి, ఎస్.జె. సూర్య వంటి ప్రముఖ నటీనటులు కీలక పాత్రలు పోషించారు. ఇంత భారీ తారాగణం ఒకే సినిమాలో కనిపించడం కూడా ఈ చిత్రంపై అంచనాలు పెరగడానికి ప్రధాన కారణంగా నిలిచింది. థియేటర్లలో రూ.800 కోట్లకు పైగా వసూళ్లు సాధించిన ‘జైలర్ 2’ ఇప్పుడు ఓటీటీలోనూ అదే స్థాయి ఆదరణను అందుకుంటుందా అనేది ఆసక్తికరంగా మారింది.