మరో లేడీ ఓరియెంటెడ్‌ చిత్రంలో?

‘ది గర్ల్‌ఫ్రెండ్‌' సినిమా నటిగా రష్మికలోని మరో కోణాన్ని ఆవిష్కరించింది. ఆమెను ప్రధానంగా చేసుకొని బలమైన కథలతో సినిమాలు చేయొచ్చనే నమ్మకాన్ని మేకర్స్‌కి కలిగించిన సినిమా ‘ది గర్ల్‌ఫ్రెండ్‌'.

‘ది గర్ల్‌ఫ్రెండ్‌’ సినిమా నటిగా రష్మికలోని మరో కోణాన్ని ఆవిష్కరించింది. ఆమెను ప్రధానంగా చేసుకొని బలమైన కథలతో సినిమాలు చేయొచ్చనే నమ్మకాన్ని మేకర్స్‌కి కలిగించిన సినిమా ‘ది గర్ల్‌ఫ్రెండ్‌’. అందుకే ఇప్పుడు పలువురు దర్శకులు రష్మిక కోసం కథలు అల్లే పనిలో పడ్డారు. వారిలో ముందువరుసలో ఉన్నారు ‘జాతిరత్నాలు’ఫేం కె.వి.అనుదీప్‌. ఇప్పటికే రష్మిక కోసం ఆయన ఓ కథను సిద్ధం చేశారట. అయితే.. ఈ కథ అనుదీప్‌ గత చిత్రాల తరహాలో కామెడీ కాన్సెప్ట్‌ కాదట.

ఈసారి తన ధోరణికి పూర్తి భిన్నంగా భావోద్వేగాలతో కూడిన సీరియస్‌ కథనే అనుదీప్‌ సిద్ధం చేశారట. ఇక ఆ కథను నేషనల్‌ క్రష్‌కి వినిపించడమే తరువాయి. ఈ సినిమా తీసేందుకు స్వప్న సినిమా సంస్థ కూడా సిద్ధంగా ఉన్నదని తెలిసింది. మరి ఈ వార్తలో నిజం ఎంతుందో తెలియాలంటే ఇంకొన్ని రోజులు ఆగాల్సిందే.