Kara release Announcement | ధనుష్ ‘కారా’ రిలీజ్ డేట్ ఫిక్స్.. సమ్మర్ బరిలో దిగుతున్న కరసామి!

Dhanush | త‌మిళ స్టార్ న‌టుడు ధనుష్, 'పోర్ తోజిల్' ఫేమ్ విఘ్నేష్ రాజా కాంబినేషన్‌లో వస్తున్న క్రేజీ ప్రాజెక్ట్ 'కారా' (Kara) విడుదల తేదీ ఎట్టకేలకు ఖరారైంది.

Dhanush New Movie | త‌మిళ స్టార్ న‌టుడు ధనుష్, ‘పోర్ తోజిల్’ ఫేమ్ విఘ్నేష్ రాజా కాంబినేషన్‌లో వస్తున్న క్రేజీ ప్రాజెక్ట్ ‘కారా’ (Kara) విడుదల తేదీ ఎట్టకేలకు ఖరారైంది. భారీ యాక్షన్ ఎంటర్టైనర్‌గా రూపొందుతున్న ఈ చిత్రాన్ని ఏప్రిల్ 30, 2026న ప్రపంచవ్యాప్తంగా థియేటర్లలో విడుదల చేయనున్నట్లు నిర్మాతలు అధికారికంగా ప్రకటించారు. వేల్స్ యూనివర్సిటీలో జరిగిన ‘వేల్స్ నక్షత్ర 2026’ వేడుకల్లో నిర్మాత ఐషారి కె. గణేష్ ఈ విషయాన్ని వెల్లడించారు. ఈ సందర్భంగా ఆయన మాట్లాడుతూ, ధనుష్‌తో ‘వడ చెన్నై 2’ చేయడం తన డ్రీమ్ ప్రాజెక్ట్ అని, ప్రస్తుతానికి ‘కారా’ సినిమాను ఏప్రిల్ 30న ప్రేక్షకుల ముందుకు తీసుకురావడానికి సిద్ధంగా ఉన్నామని తెలిపారు.

ఈ సినిమాలో ధనుష్ ‘కరసామి’ అనే పత్తి రైతు పాత్రలో కనిపించ‌బోతున్నాడు. గ్రామీణ నేపథ్యంలో సాగే ఈ ఎమోషనల్ సస్పెన్స్ థ్రిల్లర్‌లో ధనుష్ లుక్ చాలా ఇంటెన్సివ్‌గా ఉండబోతోంది. మలయాళ బ్యూటీ మమితా బైజు హీరోయిన్‌గా నటిస్తుండగా.. జయరామ్, కె.ఎస్. రవికుమార్, సూరజ్ వెంజారమూడు, కరుణాస్ కీలక పాత్రలు పోషిస్తున్నారు. జాతీయ అవార్డు గ్రహీత జి.వి. ప్రకాష్ కుమార్ ఈ సినిమాకు సంగీతం అందిస్తుండగా, తేని ఈశ్వర్ సినిమాటోగ్రఫీ బాధ్యతలు చేపడుతున్నారు. గతంలో ‘పోర్ తోజిల్’ వంటి సూపర్ హిట్ థ్రిల్లర్‌ను అందించిన విఘ్నేష్ రాజా – ఆల్ఫ్రెడ్ ప్రకాష్ ద్వయం ఈ చిత్రానికి కథను అందించారు.

#Kara — release date announced April 30. pic.twitter.com/IDsCHqIfkh

— Lets Cinema (@letscinema) February 27, 2026