Deva katta | ఆ ఇద్దరు పొలిటికల్‌ లీడర్స్‌పై దేవ కట్టా వెబ్‌ సిరీస్‌..!

Deva katta | బోలెడంత టాలెంట్‌ ఉన్నా సరైన గుర్తింపు కోసం ఎంతగానో ఎదురు చూస్తున్నాడు దర్శకుడు దేవకట్టా. అదృష్టం లేకో.. టైమ్‌ బ్యాడో తెలియదు కానీ.. దేవకట్టా సినిమాలకు టాక్‌ బాగానే వస్తుంది. కానీ కమర్షియల్‌గా పెద్దగా సక్సెస్‌ కాలేకపోతున్నాయి.

Deva katta | బోలెడంత టాలెంట్‌ ఉన్నా సరైన గుర్తింపు కోసం ఎంతగానో ఎదురు చూస్తున్నాడు దర్శకుడు దేవకట్టా. అదృష్టం లేకో.. టైమ్‌ బ్యాడో తెలియదు కానీ.. దేవకట్టా సినిమాలకు టాక్‌ బాగానే వస్తుంది. కానీ కమర్షియల్‌గా పెద్దగా సక్సెస్‌ కాలేకపోతున్నాయి. ప్రస్తుతం దర్శకుడు దేవాకట్టా పరిస్థితి కూడా అంతే ఉంది. ‘వెన్నెల’ సినిమాతో దర్శకుడిగా ఇండస్ట్రీలోకి ఎంట్రీ ఇచ్చిన దేవా తొలి సినిమాతోనే ప్రతిభగల దర్శకుడిగా పేరు తెచ్చుకున్నాడు. ఇక ‘ప్రస్థానం’ వంటి కల్ట్‌ సినిమా తీసి గొప్ప పేరు సంపాదించుకున్నాడు. కానీ కమర్షియల్‌గా ఈ సినిమా సక్సెస్‌ కాలేకపోయింది. అయితే ఈ సినిమా తర్వాత మాత్రం ప్రేక్షకులలో దేవాపై ఓ రేంజ్‌లో అంచనాలు పెట్టుకున్నారు.

దాంతో తన మూడో సినిమా ‘ఆటోనగర్‌ సూర్య’ పై ఎక్కడలేని అంచనాలు క్రియేట్‌ అయ్యాయి. కట్‌ చేస్తే బాక్సాఫీస్‌ దగ్గర ఈ సినిమా భారీ ఫేయిల్యూర్‌గా మిగిలింది. కథ చాలా కొత్తగా, ఫ్రెష్‌గా ఉన్నా కథనం ఆసక్తికరంగా లేకపోవడంతో ప్రేక్షకులు ఈ మూవీని తిరస్కరించారు. ఆ తర్వాత మంచువిష్ణుతో ‘డైనమైట్‌’ తెరకెక్కించి మరింత పాతాళానికి పడిపోయాడు. ఈ రెండు సినిమాలు దేవా కెరీర్‌ను వెనక్కి లాగేశాయి. ఆ తర్వాత ఏకంగా నాలుగేళ్లు గ్యాప్‌ తీసుకుని ‘ప్రస్థానం’ సినిమాను హిందీలో తెరకెక్కించాడు. ఇది కూడా భారీ పరాజయాన్ని మూటగట్టుకుంది.

ఇక ‘రిపబ్లిక్‌’తో మళ్లీ తెలుగులోకి రీ ఎంట్రీ ఇచ్చాడు. రిలీజ్‌కు ముందు జరిపిన హడావిడితో సినిమాపై ఎక్కడలేని బజ్‌ క్రియేట్‌ అయింది. తీరా రిలీజయ్యాకా దేవా కెరీర్‌లో మరో ఫ్లాప్‌గా మిగిలింది. సందేశంతో ముడిపడ్డ సినిమాలో కమర్షియల్‌ హంగులు పెద్దగా లేకపోవడం, పైగా ట్రాజిక్‌ ఎండింగ్‌ ఉండటంతో ప్రేక్షకులు సినిమాను తిప్పికొట్టారు. అయితే ఒక వర్గానికి చెందిన ప్రేక్షకులకు మాత్రం ఈ సినిమా బాగా నచ్చింది.

ఇక ఇదిలా ఉంటే తాజాగా ఈ దర్శకుడు ఓ వెబ్‌ సిరీస్‌ను ప్లాన్‌ చేస్తున్నాడట. అది కూడా వైఎస్‌ రాజశేఖర్ రెడ్డి, చంద్రబాబు నాయుడుల మధ్య స్నేహం-రాజకీయ జీవితయానంపై పొలిటికల్‌ కథ రాసుకున్నాడట. ప్రముఖ ఓటీటీ సంస్థ సోనిలివ్‌ ఈ వెబ్‌ సిరీస్‌ను నిర్మించనుందట. ప్రస్తుతం ప్రీ ప్రొడక్షన్‌ పనులు జరుపుకుంటున్న ఈ వెబ్‌ సిరీస్‌ను త్వరలో ప్రారంభించినట్లు తెలుస్తుంది. వీలైనంత త్వరగా షూటింగ్‌ పూర్తి చేసి వెబ్‌ సిరీస్‌ను ప్రేక్షకులు ముందుకు తీసుకురావాలని మేకర్స్‌ సన్నాహాలు చేస్తున్నారు. ఇక ఇందులో నటీనటులు ఎవరనేది తెలియాంటే ఇంకొన్ని రోజులు వేచి చూడాల్సిందే.