సోషల్ మీడియాలో స్టార్లకు నెటిజన్లకు మధ్య మాటల యుద్దం జరగడం చూస్తూనే ఉంటాం. సాధారణంగా కూల్గా ఉండే బాలీవుడ్ (Bollywood) తార దీపికా పదుకొనే (Deepika Padukone) తన వ్యక్తిగత విషయాలపై విమర్శలు వచ్చినప్పుడు మాత్రం తీవ్రంగా స్పందిస్తుంటుంది. గత కొద్ది రోజులుగా ఆమె కొత్త సినిమా గెహ్రయాన్ (Gehraiyaan) సినిమా ప్రచార వేడి పెరుగుతోంది. తాజాగా ఓ సోషల్ మీడియా నెటిజన్ పోస్టుపై ఆగ్రహించింది దీపిక.
బాలీవుడ్ న్యూటన్ సూత్రం ఏంటంటే..గెహ్రయాన్ సినిమా విడుదలకు తేదీ దగ్గరపడుతున్నా కొద్దీ దీపిక దుస్తులు మరీ కురచగా అవుతున్నాయి అని పోస్టు చేశారో నెటిజన్. ఈ పోస్టుపై స్పందించిన దీపిక…ఈ విశ్వం ప్రోటాన్, ఎలక్ట్రాన్, న్యూట్రాన్లతోపాటు మూర్ఖులతోనూ నిండి ఉందనే విషయాన్ని చెప్పడం శాస్త్రవేత్తలు మర్చిపోయినట్లు ఉన్నారు అంటూ దీపిక కౌంటర్ ఇచ్చింది.
రొమాంటిక్ డ్రామా కథతో తెరకెక్కిన గెహ్రయాన్ సినిమా ఫిబ్రవరి 11న అమెజాన్ ప్రైమ్ వీడియోలో రిలీజ్ కాబోతోంది. షకున్ బత్రా (Shakun Batra) దర్శకత్వం వహించారు. ఈ చిత్ర ట్రైలర్ లో దీపిక పదుకొనే హీరో సిద్ధాంత్ చతుర్వేది (Siddhant Chaturvedi)తో చేసిన రొమాన్స్ టాక్ ఆఫ్ ద ఇండస్ట్రీ అయ్యింది. రన్వీర్ తో పెళ్లయ్యాక దీపిక ఇలాంటి రొమాంటిక్ సినిమా చేస్తుందని ఎవరూ ఊహించలేకపోయారు. అయితే ఇవన్నీ నటిగా తన వృత్తిలో భాగమేనంటోంది దీపిక.