Deepika Padukone | బాలీవుడ్‌ జేజమ్మగా దీపిక పదుకోన్‌?

అందం.. అంతులేని ఆత్మాభిమానం.. వెరసి దీపిక పదుకోన్‌. గ్లామర్‌ పాత్రలే కాక, రాజసంతో కూడిన పాత్రలకు కూడా ఆమె కేరాఫ్‌ అడ్రస్‌ అవ్వడానికి కారణం అదే. పద్మావత్‌, బాజీరావ్‌ మస్తానీ చిత్రాలే అందుకు నిదర్శనాలు. త్వరలో మరో పవర్‌ఫుల్‌ పాత్రలో దీపిక కనపడనున్నారు.

Deepika Padukone | అందం.. అంతులేని ఆత్మాభిమానం.. వెరసి దీపిక పదుకోన్‌. గ్లామర్‌ పాత్రలే కాక, రాజసంతో కూడిన పాత్రలకు కూడా ఆమె కేరాఫ్‌ అడ్రస్‌ అవ్వడానికి కారణం అదే. పద్మావత్‌, బాజీరావ్‌ మస్తానీ చిత్రాలే అందుకు నిదర్శనాలు. త్వరలో మరో పవర్‌ఫుల్‌ పాత్రలో దీపిక కనపడనున్నారు. అది కూడా సాదాసీదా పాత్ర కాదు. తెలుగులో సంచలనాలు సృష్టించిన సినిమాకు చెందిన పాత్ర. ఆ సినిమా ఏంటో.. ఆ పాత్ర ఏంటో తెలుసుకోవాలనుందా!?.. ఆ సినిమా పేరు ‘అరుంధతి’.

ఆ పాత్ర పేరు ‘జేజమ్మ’. అవును.. త్వరలో దీపిక పదుకోన్‌ జేజమ్మగా బాలీవుడ్‌ తెరపై మెరవనున్నట్టు విశ్వసనీయ సమాచారం. ఈ సినిమాకు సంబంధించిన ప్రీప్రొడక్షన్‌ వర్క్‌ కూడా నిశ్శబ్దంగా జరిగిపోతున్నదని ఫిల్మ్‌నగర్‌ టాక్‌. తెలుగు సినిమాకు చెందిన ఓ ప్రఖ్యాత నిర్మాణ సంస్థ ఈ చిత్రాన్ని నిర్మించనున్నట్టు తెలిసింది. అంతేకాదు, ఈ చిత్రాన్ని తెలుగు దర్శకుడే డైరెక్ట్‌ చేయనున్నారని సమాచారం. ఈ మథ్య ఓ థ్రిల్లర్‌ కథతో సూపర్‌హిట్‌ కొట్టిన దర్శకుడు ఈ సినిమాను డైరెక్ట్‌ చేస్తాడట. మిగతా వివరాలు తెలియాల్సివుంది.