‘వ్యాపార దృక్పథంతో కాకుండా సగటు ప్రేక్షకుడి కోణం నుంచే కథలు వింటుంటాను. నిర్మాతగా మూసధోరణికి పరిమితం కాకుండా అన్ని జోనర్లలో సినిమాలు చేయాలనుంది’ అని అన్నారు అర్జున్ దాస్యన్. వేదాన్ష్ క్రియేటివ్ వర్క్స్ పతాకంపై ఆయన నిర్మించిన తాజా చిత్రం ‘డియర్మేఘ’. అరుణ్ అదిత్, మేఘా ఆకాష్, అర్జున్ కీలక పాత్రల్ని పోషించారు. సుశాంత్రెడ్డి దర్శకుడు. ఈ నెల 3న విడుదలకానుంది. బుధవారం హైదరాబాద్లో నిర్మాత అర్జున్దాస్యన్ మాట్లాడుతూ ‘అమ్మాయి దృక్కోణం నుంచి సాగే ఎమోషనల్ లవ్స్టోరీ ఇది. మేఘ జీవితాన్ని మలుపుతిప్పిన ఇద్దరబ్బాయిలు ఎవరన్నది అలరిస్తుంది. గ్లామర్ పంథాకు భిన్నంగా మేఘాఆకాష్ చేసిన తొలి సినిమా ఇది. నటనకు ప్రాధాన్యమున్న పాత్రలో ఆమె కనిపిస్తుంది. నిర్మల్ నా స్వస్థలం. చిన్నతనం నుంచి సినిమాలపై ఉన్న ఆసక్తితోనే నిర్మాతగా మారాను. వీఎన్ ఆదిత్య దర్శకత్వంలో తొలుత ఓ సినిమాను ప్రారంభించా. గ్రాఫిక్స్ పనుల వల్ల ఆ సినిమా విడుదల ఆలస్యమవుతోంది. చిత్రనిర్మాణంలో రాణించడానికి అవసరమైన మెళకువలను వీఎన్ఆదిత్యతో పాటు సత్యానంద్ వద్ద నేర్చుకున్నా. ఇండస్ట్రీలే వారినే నా గురువులుగా భావిస్తాను’అని తెలిపారు.