ఆస్ట్రేలియా స్టార్ బ్యాట్స్మెన్ డేవిడ్ వార్నర్ గ్రౌండ్లోకి దిగాడంటే బౌలర్ల గుండెల్లో రైళ్లు పరిగెత్తడం ఖాయం. ఆయన ఒకవైపు క్రికెట్తో తన అభిమానులని అలరిస్తూనే మరోవైపు సోషల్ మీడియాలో వైవిధ్యమైన వీడియోలతో ఫుల్ ఎంటర్టైన్మెంట్ అందిస్తున్నారు. కరోనా సమయంలో వార్నర్ తన భార్యతో కలిసి చేసిన టిక్టాక్ వీడియోలతో ఫుల్గా ఫేమస్ అయిపోయాడు. తెలుగు, తమిళ హీరోల పాటలకు టిక్ టాక్ వీడియోలు చేసి అలరించాడు.
అల్లు అర్జున్ ‘అల వైకుంఠపురం’లో క్యాండీ వార్నర్తో కలిసి ‘బుట్టబొమ్మ’.. మహేశ్బాబు ‘సరిలేరు నీకెవ్వరూ’లో మైండ్ బ్లాక్ పాటలకు స్టెప్పులేసి తెలుగు అభిమానులకు మరింత దగ్గరయ్యాడు.తాజాగా ఫేస్ యాప్ ద్వారా బన్నీ నటించిన పుష్ప సినిమాలోని ‘యే బిడ్డా’ పాటను కూడా ఇమిటేట్ చేశాడు. ఈ వీడియోను పోస్ట్ చేస్తూ.. ‘క్యాప్షన్ దిస్…’ అంటూ కామెంట్ పెట్టాడు.
పుష్పరాజ్ గెటప్ లో ఉన్న వార్నర్ భాయ్ ను చూసిన అభిమానులు… ‘కోకో కోలా పెప్సీ.. డేవిడ్ భాయ్ సెక్సీ..’, ‘వార్నర్ అంటే ఫైర్.. ఫ్లవర్ అనుకుంటివా..’‘నీ అవ్వ తగ్గేదేలే..’ అంటూ కామెంట్లు పెడుతున్నారు. వీరే కాదు, విరాట్ కోహ్లీ, బన్నీ కూడా ఈ వీడియోకి స్పందించారు. ‘నువ్వు ఓకే నా!’ అని విరాట్ కామెంట్ చేయగా… ‘కాస్త గొంతు పట్టేసినట్టుంది..’ అని వార్నర్ సరదాగా సమాధానం ఇచ్చాడు. దీనిని చూసిన అల్లుఅర్జున్ ‘‘ మై బ్రదర్ వార్నర్.. తగ్గేదేలే’’ అని కామెంట్ చేశాడు.
https://www.instagram.com/tv/CXVv7sbJU1X/?utm_source=ig_web_copy_link