విశ్వక్సేన్ కథానాయకుడిగా స్వీయ దర్శకత్వంలో రూపొందిస్తున్న చిత్రం ‘దాస్ కా ధమ్కీ’. కరాటే రాజు నిర్మిస్తున్నారు. నివేదా పేతురాజ్ కథానాయిక. ప్రస్తుతం హైదరాబాద్ సారధి స్టూడియోలో వేసిన భారీ సెట్లో చిత్రీకరణ జరుగుతున్నది. దీపావళికి ఫస్ట్లుక్ను విడుదల చేయబోతున్నారు. ఈ సందర్భంగా ఏర్పాటు చేసిన సమావేశంలో నిర్మాతలు మాట్లాడుతూ ‘95శాతం చిత్రీకరణ పూర్తయింది.
బ్యాలెన్స్గా ఉన్న షూటింగ్ను ఒక వారంలో పూర్తి చేస్తాం. బల్గేరియన్ ఫైట్ మాస్టర్స్ టోడర్ లాజరోవ్-జుబి నేతృత్వంతో ఫైట్ సీక్వెన్స్ను తెరకెక్కిస్తున్నాం. రొమాంటిక్ కామెడీ యాక్షన్ థ్రిల్లర్ చిత్రమిది. కడుపుబ్వా నవ్వించే వినోదంతో పాటు భారీ యాక్షన్ హంగులుంటాయి’ అని చెప్పారు.
తెలుగు, తమిళం, కన్నడ, మలయాళం, హిందీ భాషల్లో ఈ చిత్రాన్ని విడుదల చేయబోతున్నారు. రావు రమేష్, హైపర్ ఆది, రోహిణి, పృథ్వీరాజ్ తదితరులు నటిస్తున్న కెమెరా: దినేష్ కె బాబు, సంగీతం: లియోన్ జేమ్స్, కథ, మాటలు: ప్రసన్నకుమార్ బెజవాడ, నిర్మాణ సంస్థలు: వన్మయే క్రియేషన్స్, విశ్వక్సేన్ సినిమాస్, దర్శకుడు: విశ్వక్సేన్.