టాలెంటెడ్ యాక్టర్ విక్రమ్ (Vikram)నాన్ స్టాప్ సినిమాలతో బిజీగా ఉన్నాడు. మణిరత్నం డ్రీమ్ ప్రాజెక్టు పొన్నియన్ సెల్వన్ (Ponniyin Selvan)లో కీ రోల్ చేస్తున్నాడు. ఈ సినిమా సెప్టెంబర్ 30న ప్రేక్షకుల ముందుకు రానుంది. మరోవైపు అజయ్ జ్ఞానముత్తు డైరెక్షన్లో కోబ్రా సినిమాలో నటిస్తున్నాడు. గౌతమ్ మీనన్ సినిమా కూడా గతంలోనే ప్రకటించాడు. ఈ ప్రాజెక్టులు సెట్స్ పై ఉండగానే స్టార్ డైరెక్టర్ పా రంజిత్( Pa Ranjith)తో సినిమా చేసేందుకు రెడీ అంటున్నాడు విక్రమ్.
కొన్ని రోజుల క్రితం ఈ చిత్రం పూజా కార్యక్రమాలతో గ్రాండ్గా ప్రారంభమైంది. తాజా అప్డేట్ ప్రకారం 1800వ శతాబ్దం బ్యాక్ డ్రాప్లో ఈ సినిమా ఉండనుందట. అంతేకాదు కథానుగుణంగా అవసరమైన సెట్స్ కూడా నిర్మించినట్టు ఇన్సైడ్ టాక్. ఆసక్తికర విషయమేంటంటే ఈ చిత్రం 3డీ ఫార్మాట్(3D format) లో తీయనుండటం. డిఫరెంట్ స్క్రీన్ప్లే, ప్రజెంటేషన్తో ఆకట్టుకోవడం పా రంజిత్ స్పెషాలిటీ.
స్టూడియో గ్రీన్ బ్యానర్, నీలమ్ ప్రొడక్షన్స్ సంయుక్తంగా తెరకెక్కిస్తున్న ఈ చిత్రానికి జీవీ ప్రకాశ్ మ్యూజిక్ డైరెక్టర్. ఈ నెలలో రెగ్యులర్ షూటింగ్ షురూ కానుంది.