అర్థరాత్రి రిలీజ్ కానున్న కనెక్ట్‌ మూవీ ట్రైలర్‌.. ఇండియన్‌ సినీ చరిత్రలో ఇదే మొదటి సారి..!

లేడీ సూపర్‌ స్టార్‌ నయనతార వరుస ప్రాజెక్ట్‌లతో బిజీ బిజీగా గడుపుతుంది. ఇటీవలే 'గాడ్‌ఫాదర్‌'తో మంచి విజయం సాధించిన నయన్‌.. ఇప్పుడు కనెక్ట్‌ అనే హార్రర్‌ సినిమాతో ప్రేక్షకులు ముందుకు రావడానికి సిద్ధమైంది.

Connect Movie Trailer | లేడీ సూపర్‌ స్టార్‌ నయనతార వరుస ప్రాజెక్ట్‌లతో బిజీ బిజీగా గడుపుతుంది. ఇటీవలే గాడ్‌ఫాదర్‌తో మంచి విజయం సాధించిన నయన్‌.. ఇప్పుడు కనెక్ట్‌ అనే హార్రర్‌ సినిమాతో ప్రేక్షకులు ముందుకు రావడానికి సిద్ధమైంది. అశ్విన్‌ శరవణన్‌ దర్శకత్వం వహిస్తున్న ఈ చిత్రం షూటింగ్‌ పూర్తి చేసుకుని పోస్ట్‌ ప్రొడక్షన్‌ పనులు జరుపుకుంటుంది. మహిళా ప్రధానంగా సాగే ఈ చిత్రం డిసెంబర్‌ 22న రిలీజ్‌ కానుంది. ఈ క్రమంలో చిత్రబృందం వరుస అప్‌డేట్‌లు ప్రకటిస్తూ సినిమాపై ఆసక్తి పెంచుతున్నారు. తాజాగా మేకర్స్‌ మరో బిగ్‌ అప్‌డేట్‌ను ప్రకటించారు.

ఈ సినిమా ట్రైలర్‌ను గురువారం అర్ధరాత్రి 12గంటలకు రిలీజ్‌ చేస్తున్నట్లు ప్రకటించారు. ఇండియన్‌ సినీ చరిత్రలోనే ఇలా అర్ధరాత్రి ఇప్పటివరకు ఏ సినిమా ట్రైలర్‌ను రిలీజ్‌ చేయలేదు. హర్రర్‌ సినిమా కావడంతో ఆ టైమ్‌కు ట్రైలర్‌ రిలీజ్‌ చేస్తే ఇంకా మంచి బజ్‌ ఏర్పడుతుందని మేకర్స్ భావిస్తున్నారట. ఇటీవలే రిలీజైన టీజర్‌కు విశేష స్పందన వచ్చింది. ఈ చిత్రాన్ని రౌడీ పిక్చర్స్ బ్యానర్‌పై నయనతార భర్త విఘ్నేష్‌ శివన్‌ నిర్మించాడు. ఈ సినిమాను తెలుగులో యూవీ క్రియేషన్స్ రిలీజ్‌ చేస్తుంది.

మయూరి వంటి బ్లాక్‌బస్టర్‌ తర్వాత నయనతార, అశ్విన్ కాంబోలో తెరకెక్కిన సినిమా కావడంతో ప్రేక్షకులలో భారీ అంచనాలు క్రియేట్‌ అయ్యాయి. సత్యరాజ్‌, అనుపమ్‌ ఖేర్‌, వినయ్‌ రాయ్‌ కీలకపాత్రలో నటిస్తున్న ఈ చిత్రానికి పృథ్వి చంద్రశేఖర్‌ సంగీతం అందిస్తున్నాడు.