Vishwambhara | విశ్వంభర డేట్‌ ఫిక్సయిందా?.. మే 9న ప్రేక్షకుల ముందుకు రానుందా?

సంక్రాంతికి విడుదల కావాల్సిన ‘విశ్వంభర’ వాయిదా పడ్డ విషయం తెలిసిందే. ఈ సినిమా రిలీజ్‌ డేట్‌ కోసం మెగాస్టార్‌ చిరంజీవి అభిమానులు ఆతృతగా ఎదురుచూస్తున్నారు. ఇప్పటికే విడుదలైన ప్రచార చిత్రాలు కూడా మెప్పించడంతో సినిమాపై భారీ హైప్‌ నెలకొని ఉంది.

Vishwambhara | సంక్రాంతికి విడుదల కావాల్సిన ‘విశ్వంభర’ వాయిదా పడ్డ విషయం తెలిసిందే. ఈ సినిమా రిలీజ్‌ డేట్‌ కోసం మెగాస్టార్‌ చిరంజీవి అభిమానులు ఆతృతగా ఎదురుచూస్తున్నారు. ఇప్పటికే విడుదలైన ప్రచార చిత్రాలు కూడా మెప్పించడంతో సినిమాపై భారీ హైప్‌ నెలకొని ఉంది. ‘బింబిసార’ ఫేమ్‌ వశిష్ట దర్శకత్వంలో సోషియో ఫాంటసీ ఇతివృత్తంతో విజువల్‌ ఎఫెక్ట్స్‌ ప్రధానంగా ఈ చిత్రాన్ని తెరకెక్కిస్తున్నారు. విశ్వసనీయ సమాచారం ప్రకారం ఈ చిత్రాన్ని మే 9న విడుదల చేసేందుకు సన్నాహాలు చేస్తున్నట్లు తెలిసింది.

కొద్ది రోజుల్లో ఈ విషయంపై మేకర్స్‌ నుంచి అధికారిక ప్రకటన వస్తుందని చెబుతున్నారు. విశ్వంభర అనే సరికొత్త ప్రపంచంలో ప్రేక్షకుల్ని విహరింపజేసే చిత్రమిదని, ఓ దైవకార్యం కోసం కథానాయకుడు చేసే ప్రయత్నాలు ఆద్యంతం సాహసం, సంభ్రమం కలబోతగా ప్రేక్షకుల్ని మెప్పిస్తాయని చిత్రబృందం చెబుతున్నది. యూవీ క్రియేషన్స్‌ సంస్థ భారీ వ్యయంతో ఈ చిత్రాన్ని తెరకెక్కిస్తున్నది.