Hit-2 Movie | హిట్‌-2 సినిమా చూసి షాకైన సెన్సార్‌ బోర్డు..!

దర్శకుడు సైలేష్‌ తన టేకింగ్‌, విజన్‌తో ప్రేక్షకులను సినిమా లాస్ట్ వరకు సీట్లలోనే కూర్చోబెట్టాడు. ఫస్ట్ ఫ్రేమ్‌ నుండి లాస్ట్‌ ఫ్రేమ్‌ వరకు సీట్ ఎడ్జ్‌ థ్రిల్లర్‌గా తీర్చిదిద్దాడు.

Censor Board Shocked | ఎలాంటి అంచనాల్లేకుండా రిలీజై అనూహ్య విజయం సాధించిన చిత్రాల్లో ‘హిట్’ ఒకటి. విశ్వక్‌సేన్‌ ప్రధాన పాత్రలో నటించిన ఈ చిత్రానికి సైలేష్‌ కొలను దర్శకత్వం వహించాడు. దర్శకుడిగా సైలేష్‌కు డెబ్యూ సినిమానే అయినా.. తన టేకింగ్‌, విజన్‌తో ప్రేక్షకులను సినిమా లాస్ట్ వరకు సీట్లలోనే కూర్చోబెట్టాడు. ఫస్ట్ ఫ్రేమ్‌ నుండి లాస్ట్‌ ఫ్రేమ్‌ వరకు సీట్ ఎడ్జ్‌ థ్రిల్లర్‌గా తీర్చిదిద్దాడు. ఇక మళ్లీ రేండెళ్ళ తర్వాత హిట్‌-2తో మరోసారి ప్రేక్షకులకు థ్రిల్‌ను పంచడానికి వస్తున్నాడు. అడివిశేష్ ప్రధాన పాత్రలో నటిస్తున్న ఈ చిత్రం డిసెంబర్ 2న రిలీజ్‌ కానుంది. ఇప్పటికే చిత్ర బృందం రిలీజ్‌ చేసిన పోస్టర్‌లు, ట్రైలర్‌ సినిమాపై విపరీతమైన అంచనాలు క్రియేట్‌ చేశాయి.

ఇటీవలే ఈ సినిమా సెన్సార్‌ పూర్తి చేసుకుంది. సెన్సార్‌ బోర్డు ఈ చిత్రానికి ‘A’ సర్టిఫికేట్‌ను జారీ చేసింది. కాగా ఈ సినిమా చూసి సెన్సార్‌ బోర్డ్ షాకయిందట. సీరియల్‌ కిల్లర్‌ను రివీల్ చేసే సీన్‌ చూసి సెన్సార్‌ సభ్యులు షాక్‌కు గురై, సైలేష్‌ను అభినందించారట. దీంతో ప్రేక్షకుల్లో మరింత క్యూరియాసిటీ పెరిగింది. సస్పెన్స్ థ్రిల్లర్ నేపథ్యంలో తెరకెక్కిన ఈ చిత్రం హిట్‌ యూనివర్స్‌లో భాగంగా రూపొందింది. అడివిశేష్‌కు జోడీగా మీనాక్షీ చౌదరీ నటిస్తుంది. కోమలి ప్రసాద్‌, రావు రమేష్‌ కీలకపాత్రల్లో నటిస్తున్న ఈ చిత్రాన్ని వాల్‌ పోస్టర్‌ సినిమాస్‌ బ్యానర్‌పై హీరో నాని, ప్రశాంత్ తిపిరినేని సంయుక్తంగా నిర్మిస్తున్నారు.