RamaRao On Duty | మాస్రాజ రవితేజ ప్రస్తుతం వరుసగా సినిమాలను చేస్తూ తీరిక లేకుండా షూటింగ్లలో పాల్గొంటున్నాడు. ఏడాదికి రెండు సినిమాలను విడుదల చేసే విధంగా రవితేజ ప్లాన్ చేస్తున్నాడు. ప్రస్తుతం ఈయన చేతిలో నాలుగు సినిమాలున్నాయి. గతనెల ‘ఖిలాడీ’తో భారీ ఫ్లాప్ను అందుకున్న మాస్రాజ ఈ సారి ‘రామారావు ఆన్ డ్యూటీ’తో ఎలాగైనా మంచి హిట్టు సాధించాలని కసితో ఉన్నాడు. శరత్ మండవ ఈ చిత్రంతో దర్శకుడిగా పరిచయమవుతున్నాడు. ఇటీవలే స్పెయిన్లో రెండు పాటలను చిత్రీకరించి సినిమా షూటింగ్ను పూర్తి చేసుకుంది. ప్రస్తుతం పోస్ట్ ప్రొడక్షన్ పనులలో బిజీగా ఉన్న ఈ చిత్రం నుంచి బిగ్ అప్డేట్ను మేకర్స్ ప్రకటించారు.
ఈ చిత్రంలోని ‘బుల్బుల్ తరంగ్’ అంటూ సాగే లిరికల్ సాంగ్ వీడియోను ఏప్రిల్10న విడుదల చేయనున్నట్లు మేకర్స్ పోస్టర్ను సోషల్ మీడియాలో పోస్ట్ చేశారు. ఈ పాట రవితేజ, రజిషా విజయన్ మధ్య సాగే లవ్సాంగ్గా ఉన్నట్లు తెలుస్తుంది. పోస్టర్లో రవితేజ, రజీషాలు కండువను మెడపై వేసుకొని ఒకరినొకరు చూసుకుంటున్నట్లు పోస్టర్లో ఉంది. ఈ చిత్రంలో దివ్యాంశ కౌషిక్ మరో హీరోయిన్గా నటించింది. చాలా కాలం తర్వాత సీనియర్ నటుడు వేణు తోట్టెంపూడి ఈ చిత్రంతో సినిమాల్లోకి రీ ఎంట్రీ ఇవ్వనున్నాడు. శ్రీ లక్ష్మివెంకటేశ్వరా సినిమాస్, ఆర్టి టీమ్ వర్క్స్ బ్యానర్లపై సుధాకర్ చెరుకూరితో కలిసి రవితేజ స్వీయ నిర్మాణంలో ఈ చిత్రాన్ని తెరకెక్కించాడు. ఈ చిత్రంలో రవితేజ డిప్యూటీ కలెక్టర్గా కనిపించబోతున్నాడు. యాక్షన్ ఎంటర్టైనర్గా తెరకెక్కిన ఈ చిత్రాన్ని జూన్ 17న ప్రేక్షకుల ముందుకు తీసుకురావాలని మేకర్స్ సన్నాహాలు చేస్తున్నారు.
Ramarao prema 👩❤️👨❤️#RamaRaoOnDuty First single 🎵 #BulBulTarang on 10th April 😊#RamaRaoOnDutyOnJune17 pic.twitter.com/8oBZpumVBt
— Ravi Teja (@RaviTeja_offl) April 7, 2022