Brochevarevarura | గెట్‌ రెడీ.. బ్రోచేవారెవరురా క్రేజీ కాంబినేషన్‌ రిపీట్

చిన్న సినిమాగా వచ్చి బాక్సాఫీస్‌ వద్ద మంచి వసూళ్లు రాబట్టిన చిత్రం బ్రోచెవారెవరురా (Brochevarevarura). క్రైం కామెడీ జోనర్‌లో తెరకెక్కిన ఈ మూవీలో  (Sree Vishnu)శ్రీవిష్ణు, ప్రియదర్శి, రాహుల్‌ రామకృష్ణ ప్రధాన పాత్రల్లో నటించారు. కాగా..

టాలీవుడ్ టాలెంటెడ్‌ డైరెక్టర్లలో ఒకడు వివేక్‌ ఆత్రేయ. ఈ దర్శకుడి కాంపౌండ్‌ నుంచి చిన్న సినిమాగా వచ్చి బాక్సాఫీస్‌ వద్ద మంచి వసూళ్లు రాబట్టిన చిత్రం బ్రోచేవారెవరురా (Brochevarevarura). క్రైం కామెడీ జోనర్‌లో తెరకెక్కిన ఈ మూవీలో  (Sree Vishnu)శ్రీవిష్ణు, ప్రియదర్శి, రాహుల్‌ రామకృష్ణ ప్రధాన పాత్రల్లో నటించగా.. సత్యదేవ్‌, నివేదా థామస్‌, నివేదా పేతురాజ్‌ కీలక పాత్రల్లో నటించారు. కాగా ఈ సినిమాలో లీడ్‌ రోల్స్‌ పోషించిన శ్రీవిష్ణు, ప్రియదర్శి, రాహుల్‌ రామకృష్ణ కలిసి మరో సినిమా చేస్తున్నారని తాజా వార్త ఒకటి ఫిలింనగర్ సర్కిల్‌లో రౌండప్ చేస్తోంది.

తాజా అప్‌డేట్ ప్రకారం హుషారు ఫేం హర్ష కొనుగంటి (Harsha Konuganti) ఈ చిత్రానికి దర్శకత్వం వహిస్తున్నాడు. ఇప్పటికే షూటింగ్ కూడా మొదలైనట్టు సమాచారం. ఇంకా టైటిల్‌ ఫిక్స్ కాని ఈ మూవీ నెక్ట్స్ షెడ్యూల్‌ కేరళలో షురూ కానుంది. ఈ షెడ్యూల్‌తో సినిమా షూట్ మొత్తం పూర్తి చేయాలని నిర్ణయించుకున్నట్టు సమాచారం. ఈ ప్రాజెక్ట్‌లో హీరోయిన్‌గా ఎవరు కనిపించబోతున్నారు.. ఇంతకీ ఈ సారి ఎలాంటి జోనర్‌లో సినిమా రాబోతుందనేది మాత్రం ప్రస్తుతానికి సస్పెన్స్ నెలకొంది.

యూవీ వంశీ నిర్మిస్తున్న ఈ చిత్రానికి సన్నీ ఎంఆర్‌ సంగీతం అందిస్తున్నాడు. మరిన్ని వివరాలపై రానున్న రోజుల్లో క్లారిటీ రానుంది. కథాబలమున్న సినిమాలను చేసే యాక్టర్లలో ఎప్పుడూ ముందుంటాడు శ్రీవిష్ణు. ఇక ప్రియదర్శి, రాహుల్‌ రామకృష్ణ కామెడీ టైమింగ్‌ గురించి ప్రత్యేకించి చెప్పనవసరం లేదు. ఈ క్రేజీ కాంబోలో మరో సినిమా రాబోతుందనే అప్‌డేట్‌తో ఫుల్ ఖుషీ అవుతున్నారు సినీ జనాలు.