Brad Pitt: హాలీవుడ్ న‌టుడు బ్రాడ్ పిట్ ఇంట్లో భారీ చోరీ

Brad Pitt: బ్రాడ్ పిట్ ఇంట్లో చోరీ జ‌రిగింది. లాస్ ఏంజిల్స్ ఉన్న ఆ ఇంట్లోకి ముగ్గురు దొంగ‌లు చొర‌బ‌డ్డారు. ఖ‌రీదైన వ‌స్తువుల్ని ఎత్తుకెళ్లారు. బ్రాడ్ పిట్ న‌టించిన ఎఫ్‌1 చిత్రం ఇవాళ రిలీజ్ అవుతోంది.

లాస్ ఏంజిల్స్: హాలీవుడ్ న‌టుడు బ్రాడ్ పిట్(Brad Pitt) ఖ‌రీదు చేసిన ఇంట్లో చోరీ జ‌రిగినట్లు పోలీసులు తెలిపారు. లాస్ ఏంజిల్స్ ఉన్న ఆ ఇంట్లోకి ముగ్గురు దొంగ‌లు చొర‌బ‌డిన‌ట్లు భావిస్తున్నారు. ఇంట్లో ఉన్న ఖ‌రీదైన వ‌స్తువుల్ని ఎత్తుకెళ్లిన‌ట్లు చెబుతున్నారు. లాస్ ఏంజిల్స్‌లోని లాస్ ఫెలిజా ప్రాంతంలో ఆ ఇళ్లు ఉన్న‌ది. 2023లో ఆ ఇంటిని బ్రాడ్ పిట్ కొన్న‌ట్లు ఓ రియ‌ల్ ఎస్టేట్ సంస్థ తెలిపింది. అయితే బ్రాడ్ పిట్ ప్ర‌స్తుతం త‌న కొత్త చిత్రం ఎఫ్‌1 ప్రీమియ‌ర్ టూర్‌లో ఉన్నారు. లండ‌న్‌లో ఆ ఫిల్మ్ ప్రీమియ‌ర్ సంద‌ర్భంగా ఆయ‌న అక్క‌డ‌కు వెళ్లారు. మ‌రో హాలీవుడ్ న‌టుడు టామ్ క్రూజ్‌, ఫార్ములా వ‌న్ డ్రైవ‌ర్ లివిస్ హామిల్ట‌న్ కూడా ఆ ప్రీమియ‌ర్ షోకు హాజ‌ర‌య్యారు. చోరీ జ‌రిగిన స‌మ‌యంలో బ్రాడ్ పిట్ ఇంట్లో ఉన్నాడా లేదా, లేక చోరీకి గురైన వ‌స్తువుల విలువ ఎంత అన్న విష‌యాన్ని లాస్ ఏంజిల్స్ పోలీసులు వెల్ల‌డించ‌లేదు.