లవ్‌స్టోరీ హిట్టయ్యిందే

కార్తికేయ గుమ్మకొండ హీరోగా నటిస్తున్న చిత్రం ‘భజే వాయు వేగం’. ప్రశాంత్‌ రెడ్డి దర్శకుడు. యూవీ కాన్సెప్ట్స్‌ సంస్థ నిర్మిస్తున్నది.

కార్తికేయ గుమ్మకొండ హీరోగా నటిస్తున్న చిత్రం ‘భజే వాయు వేగం’. ప్రశాంత్‌ రెడ్డి దర్శకుడు. యూవీ కాన్సెప్ట్స్‌ సంస్థ నిర్మిస్తున్నది. ఈ సినిమాలోని మొదటి పాట ‘సెట్‌ అయ్యిందే..’ ఈ నెల 9న విడుదల కానుంది. ఈ సందర్భంగా మంగళవారం ప్రోమోతో పాటు కొత్త పోస్టర్‌ను విడుదల చేశారు. రధన్‌ ఈ పాటకు స్వరాల్ని అందించగా, రామజోగయ్యశాస్త్రి గీత రచన చేశారు. ‘సెట్‌ అయ్యిందే లైఫ్‌ సెట్‌ అయ్యిందే.. నా లవ్‌స్టోరీ బ్లాక్‌బస్టర్‌ హిట్టయ్యిందే’ అంటూ ఈ పాట ప్రోమో సాగింది.

నాయకానాయికలు కార్తికేయ, ఐశ్వర్యమీనన్‌ నృత్యాలు ఆకట్టుకునేలా ఉన్నాయి. యాక్షన్‌ ఎంటర్‌టైనర్‌గా ఈ చిత్రాన్ని తెరకెక్కిస్తున్నామని, కథ, కథనాలు చాలా కొత్తగా ఉంటాయని చిత్ర బృందం పేర్కొంది. ఐశ్వర్యమీనన్‌, రాహుల్‌ టైసన్‌, తనికెళ్ల భరణి, రవిశంకర్‌ తదితరులు నటిస్తున్న ఈ చిత్రానికి కెమెరా: ఆర్‌.డి.రాజశేఖర్‌, సంగీతం: రథన్‌, దర్శకత్వం: ప్రశాంత్‌ రెడ్డి.