బాలకృష్ణ కథానాయకుడిగా నటిస్తున్న తాజా చిత్రం ‘భగవంత్ కేసరి’. అనిల్ రావిపూడి దర్శకుడు. షైన్ స్క్రీన్స్ పతాకంపై సాహు గారపాటి, హరీష్ పెద్ది నిర్మిస్తున్నారు. అక్టోబర్ 19న ప్రేక్షకుల ముందుకురానుంది. ఈ సినిమా మ్యూజికల్ ప్రమోషన్స్కు ఆరంభించబోతున్నారు. సెప్టెంబర్ 1న ఫస్ట్ సింగిల్ విడుదల కానుంది. ఈ చిత్రానికి తమన్ సంగీతాన్నందించారు.
ఈ సందర్భంగా ఇటీవల కొత్త పోస్టర్ను విడదుల చేశారు. ఇందులో బాలకృష్ణ ఫుల్ జోష్లో కనిపిస్తున్నారు. ‘ఈ చిత్రానికి తమన్ అద్భుతమైన సంగీతాన్నందించారు. పాటలు అన్ని వర్గాల వారిని అలరిస్తాయి. భగవంత్ కేసరి పాత్రలో బాలకృష్ణ విశ్వరూపం చూస్తారు’ అని చిత్రబృందం పేర్కొంది. కాజల్ అగర్వాల్, శ్రీలీల తదితరులు నటిస్తున్న ఈ చిత్రానికి కెమెరా: సి.రామ్ప్రసాద్, సంగీతం: తమన్.