Visit:
ప్రతిష్టాత్మక కేవీఎన్ ప్రొడక్షన్స్, తెస్పియన్ ఫిల్మ్స్ కలిసి నిర్మించిన విభిన్న కథాచిత్రం ‘బాలన్ – ది బాయ్’. ‘మంజుమ్మెల్ బాయ్స్’ ఫేం చిదంబరం దర్శకత్వం వహించిన ఈ చిత్రం ఇటీవలే మలయాళం, తెలుగు, కన్నడ, తమిళ, హిందీ భాషల్లో విడుదలైంది. తెలుగు రాష్ర్టాల్లో ఈ చిత్రాన్ని ప్రతిష్టాత్మక అన్నపూర్ణ స్టూడియోస్ విడుదల చేయడం విశేషం. ఈ సినిమా సక్సెస్మీట్ని శనివారం హైదరాబాద్లో నిర్వహించారు. సినిమా విజయం సాధించిందంటూ నిర్మాతల్లో ఒకరైన శైలజా దేశాయి ఫెన్ ఆనందం వెలిబుచ్చారు.
‘డిఫరెంట్ కాన్సెప్ట్తో తెరకెక్కిన చిత్రం ‘బాలన్ – ది బాయ్’. తెలుగు ప్రేక్షకుల అభిరుచి గొప్పది. అందుకు ఇక్కడ మా ‘మంజుమ్మెల్ బాయ్స్’కి దక్కిన విజయమే నిదర్శనం. ఇప్పుడు ఈ సినిమాకు కూడా మంచి ఆదరణ లభిస్తున్నది. రియల్లైఫ్ సంఘటనల ఆధారంగా ఈ చిత్రాన్ని తెరకెక్కించాం. ఈ సినిమాకు కథే పెద్ద స్ట్రెంత్. త్వరలో నేరుగా తెలుగు సినిమాను డైరెక్ట్ చేయబోతున్నాను. ఆ వివరాలు త్వరలో చెబుతా’ అని దర్శకుడు చిదంబరం తెలిపారు. నటుడు జీన్ పాల్లాల్, నటి ఫర్జానా పాలతింగల్, బాలనటులు మహ్మద్ జినాన్, ఆది శేషన్ కూడా మాట్లాడారు.
