నందమూరి బాలకృష్ణ (Balakrishna)హోస్ట్గా వ్యవహరిస్తోన్న టాక్ షో అన్స్టాపబుల్ విత్ ఎన్బీకే (Unstoppable with NBK). తెలుగు ఓటీటీ ప్లాట్ ఫాం ఆహాలో ప్రసారమవుతున్న ఈ షోలో టాలీవుడ్ సెలబ్రిటీలు అతిథులుగా ఒక్కొక్కరు సందడి చేస్తూ అలరిస్తున్నారు. తాజాగా ఈ షో 8వ ఎపిసోడ్లో బాహుబలి యాక్టర్ రానా (Rana Daggubati) సందడి చేశాడు. రానా స్పెషల్ ఎపిసోడ్ ప్రోమోను మేకర్స్ విడుదల చేశారు. దాన వీర శూర కర్ణ చిత్రంలో ఎన్టీఆర్ చెప్పిన ఏమంటివి ఏమంటివి అంటూ వచ్చే పాపులర్ డైలాగ్ చెబుతుండగా..మధ్యలో బాలకృష్ణ కూడా రానాతో కలిసి డైలాగ్ చెప్పాడు.
నా టాక్ షోలో బెస్ట్ ఎపిసోడ్లో ప్రతీ సీజన్ మీదే సార్ అంటూ రానా ఎంట్రీతోనే చెప్పగా..కొత్తగా అంటావేంటయ్యా బాలకృష్ణ అంటేనే బెస్ట్ అని బాలయ్య చెప్పడంతో గ్యాలరీలో ఉన్న ప్రేక్షకులు తెగ ఎంజాయ్ చేయడం చూడొచ్చు. ఫస్ట్ టైం బాలకృష్ణ టాక్ షో చేస్తున్నాడంటే నీకెమనిపించింది అని రానాను బాలయ్య అడుగగా..మేమందరం మామూలు ట్రైన్లలో వెళ్తుంటే మీరేమో బుల్లెట్ ట్రైన్ తీసుకొని వచ్చారని రానా అంటున్నాడు. లాక్ డౌన్ టైంలో వ్యాక్సిన్ వస్తుందనుకుంటే నీ పెళ్లి న్యూస్ వచ్చిందేంటయ్యా బాబు ఏంటీ అంత సడెన్గా అని బాలయ్య అడిగితే..చేసిందన్నీ ఉన్నాయి. చేయందొకటి ఉందంటే పెళ్లొకటే అందుకే చేసుకున్నా అని రిప్టై ఇచ్చాడు రానా.
అప్పట్లో పూలరంగడిలా తిరిగేవాడివి..పెళ్లయ్యాక బ్యాలెన్స్ వచ్చేసింది..అంటూ రానాపై బాలయ్య ఫన్నీ సెటైర్లను ఆడియెన్స్ తెగ ఎంజాయ్ చేస్తున్నారు. కేవలం ప్రోమోనే ఇలా ఉంటే ఇక ఫుల్ ఎపిసోడ్ ఏ రేంజ్లో ఉందో జనవరి 7న రాత్రి 8 గంటలకు ఆహాలో ప్రసారమయే ఫుల్ ఎపిసోడ్తో తెలిసిపోనుంది.