NBK109 Movie | ఇప్పుడున్న సీనియర్ హీరోలలో బాలకృష్ణదే హవా నడుస్తుంది. అఖండ వంటి భారీ విజయం తర్వాత వీరసింహా రెడ్డితో మరో విజయం సాధించాడు. రిలీజ్ రోజున డివైడ్ టాక్ తెచ్చుకున్నా.. టాక్తో సంబంధంలేకుండా కలెక్షన్ల వరద పారింది. ప్రస్తుతం బాలయ్య హ్యట్రిక్ కోసం ట్రై చేస్తున్నాడు. ఇక బాలయ్య ప్రస్తుతం అనిల్ రావిపూడితో సినిమా చేస్తున్నాడు. అవుట్ అండ్ అవుట్ యాక్షన్ ఎంటర్టైనర్గా తెరకెక్కుతున్న ఈ మూవీ ఇప్పటికే ఓ షెడ్యూల్ను పూర్తి చేసుకుంది. త్వరలోనే రెండో షెడ్యూల్ మొదలు పెట్టనుంది. ఇక ఇదిలా ఉంటే ఈ సినిమాకు సంబంధించిన ఓ వార్త ఇప్పుడు నెట్టింట్లో తెగ వైరల్ అవుతుంది.
ఈ సినిమాను దసరాకు తీసుకురావాలని మేకర్స్ ప్రయత్నాలు చేస్తున్నారట. వీరసింహా రెడ్డి మాదిరిలానే పండగను టార్కెట్ చేసి హిట్టు కొట్టాలని చిత్రబృందం ఆలోచిస్తుందట. ఆ దిశగానే షూటింగ్ను కూడా వేగవంతం చేయనున్నారట. ఈ సినిమాలో బాలయ్య 45 సంవత్సరాలున్న తండ్రి పాత్రలో కనిపించనున్నాడు. ‘పెళ్లిసందD’ ఫేం శ్రీలీల బాలయ్య కూతురుగా నటించనుంది. ఈ సినిమా మొత్తం ఫాదర్-డాటర్ ఎమోషన్తో సాగుతుందని అనీల్ ఓ సందర్భంలో తెలిపాడు. ఇక బాలకృష్ణకు జోడీగా కాజల్ నటించనుందని టాక్. షైన్ స్క్రీన్ పతాకంపై సాహు గారపాటి ఈ చిత్రాన్ని నిర్మిస్తున్నాడు. థమన్ సంగీతం అందిస్తున్నాడు.