Bala Krishna: చిన్నారితో బాలకృష్ణ ఫ‌న్.. వైర‌ల్‌గా మారిన వీడియో
చాన్నాళ్ల త‌ర్వాత త‌మ అభిమాన న‌టుడు బాలకృష్ణ నుండి మాసివ్ హిట్ రావ‌డంతో నంద‌మూరి అభిమానులు ఫుల్ జోష్‌లో ఉన్నారు. అభిమాన న‌టుడికి సంబంధించిన పాత వీడియోలు కూడా తెగ వైర‌ల్ చేస్తున్నారు. తాజాగా బాల‌కృష్ణ‌కి సంబంధించిన వీడియో ఒక‌టి సోష‌ల్ మీడియాలో వైర‌ల్ అవుతుండ‌గా, ఇందులో బాల‌య్య లుంగీ క‌ట్టుకొని చిన్నారితో స‌ర‌దాగా టైం స్పెంట్ చేస్తున్న‌ట్టుగా క‌నిపిస్తున్నారు.
చిన్న పాప తో బాలకృష్ణ ప్రేమగా ఉన్న వీడియో అభిమానులను ఆకట్టుకుంటుంది. అఖండ చిత్రం షూటింగ్ సమయం లో ఈ వీడియో తీసినట్లు తెలుస్తుంది. ప్ర‌స్తుతం ఈ వీడియో ఆకట్టుకుంటుంది. కాగా, సింహా, లెజెండ్ చిత్రాల త‌ర్వాత బాలకృష్ణ-బోయపాటి శ్రీను దర్శకత్వంలో తెరకెక్కిన అఖండ చిత్రం బాక్సాఫీస్ ద‌గ్గ‌ర వసూళ్ల వ‌ర్షం కురిపిస్తుంది. చిత్రానికి సంగీతం థమన్ అందించారు. ప్రగ్యా జైస్వాల్ హీరోయిన్ గా నటించగా, జగపతి బాబు, శ్రీకాంత్ లు కీలక పాత్రల్లో నటించారు.
తెలుగు రాష్ట్రాలతో పాటు ఓవర్సీస్ నుంచి కూడా ఈ సినిమా మంచి రెస్పాన్స్ ను తెచ్చుకుంటోంది. వసూళ్ల పరంగాను దూసుకుపోతోంది. తొలి రోజున నైజామ్ వరకూ ఈ సినిమా 4.37 కోట్ల షేర్ ను రాబట్టినట్టుగా చెబుతున్నారు. ఇప్పుడున్న పరిస్థితుల్లో ఈ స్థాయి షేర్ రావడం గొప్ప విషయంగానే చెప్పుకుంటున్నారు. వీకెండ్ లో ఈ సినిమా వసూళ్లు మరింత పెరగడం ఖాయమని అంటున్నారు.
Read Today's Latest Cinema News in Telugu and Telugu News
- Follow Us :
-
