Arjuna Phalguna: అర్జున ఫ‌ల్గుణ షూటింగ్ పూర్తి..రానున్న రోజుల‌లో క్రేజీ అప్‌డేట్స్‌..!

టాలీవుడ్ యంగ్ హీరోల‌లో వైవిధ్య‌మైన సినిమాలు చేస్తూ అల‌రిస్తూ ఉండే హీరో శ్రీ విష్ణు . చివ‌రిగా రాజ రాజ చోర అనే సినిమాతో ప్రేక్ష‌కుల ముందుకు వ‌చ్చిన శ్రీ విష్ణు మరో ఇంట్రెస్టింగ్ ప్రాజెక్ట్ చేస్తున్నాడు. ఆ చిత్రం పేరు అర్జున ఫ‌ల్లుణ‌. శ్రీవిష్ణు, అమృతా అయ్యర్ జంటగా నటిస్తున్న ఈ సినిమాకు థాట్ ప్రొవోకింగ్ మూవీ ‘జోహార్’ను తెరకెక్కించిన తేజ మర్ని దర్శకత్వం వహిస్తున్నాడు.

మాట్నీ ఎంటర్ టైన్ మెంట్ బ్యానర్ పై ‘అర్జున ఫల్గుణ’ రూపుదిద్దుకుంటోంది . మ‌హాభార‌తంలో అర్జునునికి ఫ‌ల్గుణ అనే మ‌రో పేరు కూడా ఉంద‌ని మ‌న‌కు తెలుసు. ఫాల్గుణ మాసంలో జ‌న్మించినందున ఆయ‌నను ఆ పేరుతోనూ పిలుస్తుంటారు. ఇందులో ఆ పేరుకు ఎంతో ప్రాధాన్యం ఉంది. ఆ క్రమంలోనే ఈ సినిమాకు అర్జున ఫ‌ల్గుణ అనే పేరు పెట్టిన‌ట్టు ద‌ర్శ‌కుడు తెలిపారు.

ఈ చిత్రం తాజాగా షూట్ అంతటిని కంప్లీట్ చేసుకున్నట్టు మేకర్స్ కన్ఫర్మ్ చేశారు. ఓ ఇంట్రెస్టింగ్ పోస్టర్ తో అప్‌డేట్ ఇచ్చారు. రానున్న రోజుల‌లో మ‌రిన్ని అప్‌డేట్స్ ఇవ్వ‌నున్నామ‌ని పేర్కొన్నారు. ఎన్‌.ఎం. పాషా స‌హ నిర్మాత‌గా వ్య‌వ‌హ‌రిస్తోన్న ఈ మూవీకి క‌థ‌, స్క్రీన్‌ప్లేను ద‌ర్శ‌కుడు తేజ మ‌ర్ని స్వ‌యంగా స‌మ‌కూరుస్తున్నారు. సుధీర్ వ‌ర్మ పి. డైలాగ్స్ రాస్తున్నారు. ప్రియ‌ద‌ర్శ‌న్ బాల‌సుబ్ర‌మ‌ణియ‌న్ మ్యూజిక్ అందిస్తుండ‌గా, జ‌గ‌దీష్ చీక‌టి సినిమాటోగ్రాఫ‌ర్‌గా వ‌ర్క్ చేస్తున్నారు.