Ajith Kumar | ‘ప్రేమ పుస్తకం’ సినిమాతో తెలుగు ప్రేక్షకులకు పరిచయమయిన అజిత్.. వాలి, ప్రియురాలు పిలిచింది, గ్యాంబ్లర్ వంటి సినిమాలతో ఇక్కడ మంచి క్రేజ్ తెచ్చుకున్నాడు. అయితే మిగితా తమిళ హీరోలతో పోలిస్తే తెలుగులో ఈయన మార్కెట్ కాస్త తక్కువే. అంతేకాకుండా అజిత్ కూడా మొదటి నుండి తెలుగు మార్కెట్పై అంతగా ఆసక్తి చూపలేదు. ప్రస్తుతం ఆయన తెగింపు సినిమాతో ప్రేక్షకులను పలకరించడానికి సిద్ధమయ్యాడు. సంక్రాంతి కానుకగా విడుదల కాబోతున్న ఈ సినిమాకు హెచ్. వినోద్ దర్శకత్వం వహించాడు. ఇక అజిత్ తన తదుపరి సినిమాను విఘ్నేష్ శివన్తో చేయబోతున్నాడు. ఇప్పటికే ప్రీ ప్రొడక్షన్ పనులు కూడా పూర్తయ్యాయి. ఇక జనవరి 19 నుండి రెగ్యులర్ షూటింగ్ ప్రారంభంకానుంది.
ఇదిలా ఉంటే తాజాగా ఈ సినిమాకు సంబంధించిన ఓ బిగ్ అప్డేట్ బయటకు వచ్చింది. ఈ సినిమాలో విలన్గా అరవింద్ స్వామి నటించనున్నాడట. ఈయన పాత్ర కూడా స్టైలిష్గా ధృవ సినిమాలో లాగా ఉంటుందని టాక్. అరవింద్ స్వామితో పాటు సంతానం కూడా కీలకపాత్ర పోషించనున్నట్లు సమాచారం. అవుట్ అండ్ అవుట్ యాక్షన్ నేపథ్యంలో తెరకెక్కనున్న ఈ సినిమాలో అజిత్ డాన్ పాత్ర పోషించనున్నాడు. అజిత్కు జోడీగా నయనతార నటిస్తుంది. లైకా ప్రొడక్షన్ బ్యానర్లో రూపొందుతున్న ఈ సినిమాకు అనిరుధ్ రవిచంద్రన్ స్వరాలు సమకూర్చుతున్నాడు.