Visit:
ప్రముఖ కథానాయిక అనుష్క శెట్టి తాజా చిత్రం ‘మిస్‌ శెట్టి మిస్టర్‌ పోలిశెట్టి’. నవీన్‌ పోలిశెట్టి ప్రధాన పాత్రలో నటిస్తున్న ఈ చిత్రానికి పి.మహేష్‌ కుమార్‌ దర్శకుడు. ప్రమోద్‌ నిర్మాత. మహిళా దినోత్సవం సందర్భంగా అనుష్క శెట్టి కొత్త పోస్టర్‌ను విడుదల చేసింది చిత్రబృందం. ఈ పోస్టర్‌లో అనుష్క చాలా అందంగా కనిపిస్తోంది. విదేశీ లోకేషన్‌లో ఓ బిజీ రోడ్‌ తనదైన శైలిలో నవ్వుతూ రోడ్‌ దాటుతున్నట్టుగా వుంది అనుష్క. హ్యాండ్‌బ్యాగ్‌, ఫుల్‌డ్రెస్‌లో తన లుక్‌ కూడా చాలా హాట్‌గా కనిపిస్తుంది. ప్రస్తుతం నిర్మాణానంతర పనులు జరుపుకుంటోన్న ఈ చిత్రం తెలుగు, తమిళ, మలయాళ, కన్నడ భాషల్లో వేసవిలో విడుదల చేయడానికి ప్లాన్‌ చేస్తున్నారు. ఈ చిత్రానికి సంగీతం: రథన్‌.
