భాగమతి-2 కోసం..

ఇటీవల విడుదలైన ‘మిస్‌శెట్టి మిస్టర్‌ పొలిశెట్టి’ చిత్రం ద్వారా మంచి విజయాన్ని అందుకుంది అగ్ర కథానాయిక అనుష్క. నేడు ఆమె జన్మదినం సందర్భంగా ‘భాగమతి-2’ చిత్రాన్ని ప్రకటించారు.

ఇటీవల విడుదలైన ‘మిస్‌శెట్టి మిస్టర్‌ పొలిశెట్టి’ చిత్రం ద్వారా మంచి విజయాన్ని అందుకుంది అగ్ర కథానాయిక అనుష్క. నేడు ఆమె జన్మదినం సందర్భంగా ‘భాగమతి-2’ చిత్రాన్ని ప్రకటించారు. ఇది అనుష్క నటిస్తున్న 50వ చిత్రం కావడం విశేషం.

లేడీ ఓరియెంటెడ్‌ సస్పెన్స్‌ థ్రిల్లర్‌ కథాంశంతో అనుష్క నటించిన ‘భాగమతి’ చిత్రం చక్కటి ప్రేక్షకాదరణ సొంతం చేసుకున్న విషయం తెలిసిందే. తాజాగా ఈ సీక్వెల్‌ కూడా ఆసక్తికరమైన కథ, కథనాలతో సాగుతుందని.. అనుష్క పాత్ర నవ్యరీతిలో ఉంటుందని చిత్రబృందం పేర్కొంది. త్వరలో ఈ చిత్రం సెట్స్‌మీదకు వెళ్లనుంది. ఈ చిత్రానికి సంబంధించిన ఇతర నటీనటులు, సాంకేతిక నిపుణుల వివరాలను త్వరలో వెల్లడించనున్నారు.