Bollywood | బాలీవుడ్‌లోకి మరో స్టార్ వారసుడు.. హీరోగా అర్హాన్ ఖాన్ మాస్ ఎంట్రీ, దర్శకుడు ఎవరంటే?

Bollywood | సినీ పరిశ్రమలో తరాలు మారడం, కొత్త హీరోలు తెరపైకి రావడం సహజమే. ముఖ్యంగా స్టార్ హీరోల వారసులు ఇండస్ట్రీలోకి ఎప్పుడు అడుగుపెడతారా అని అభిమానులు ఆసక్తిగా ఎదురుచూస్తుంటారు. ఇప్పుడు బాలీవుడ్‌లో మరో స్టార్ కిడ్ గ్రాండ్ ఎంట్రీకి రంగం సిద్ధమవుతున్నట్లు తెలుస్తోంది.

Bollywood | సినీ పరిశ్రమలో తరాలు మారడం, కొత్త హీరోలు తెరపైకి రావడం సహజమే. ముఖ్యంగా స్టార్ హీరోల వారసులు ఇండస్ట్రీలోకి ఎప్పుడు అడుగుపెడతారా అని అభిమానులు ఆసక్తిగా ఎదురుచూస్తుంటారు. ఇప్పుడు బాలీవుడ్‌లో మరో స్టార్ కిడ్ గ్రాండ్ ఎంట్రీకి రంగం సిద్ధమవుతున్నట్లు తెలుస్తోంది. బాలీవుడ్ నటుడు అర్బాజ్ ఖాన్, నటి మలైకా అరోరాల తనయుడు అర్హాన్ ఖాన్ త్వరలో వెండితెరకు హీరోగా పరిచయం కాబోతున్నట్లు సమాచారం.అయితే అర్హాన్ ఎంట్రీ మాత్రం సాధారణ స్టార్ కిడ్ లాంచ్‌లా ఉండద‌ట‌. రొమాంటిక్ లవ్ స్టోరీ లేదా సాఫ్ట్ క్యారెక్టర్‌తో కాకుండా.. పక్కా మాస్, యాక్షన్ బ్యాక్‌డ్రాప్‌లో ఇంటెన్స్ హీరోగా ప్రేక్షకులకు పరిచయం చేయడానికి ప్లాన్ చేస్తున్నట్లు బాలీవుడ్ వర్గాల్లో టాక్ వినిపిస్తోంది.

అర్హాన్ ఖాన్‌ను హీరోగా పరిచయం చేయబోయే ప్రాజెక్ట్‌కు ప్రముఖ దర్శకుడు అనిరుధ్ అయ్యర్ దర్శకత్వం వహించనున్నట్లు తెలుస్తోంది. ఆయుష్మాన్ ఖురానా నటించిన ‘యాన్ యాక్షన్ హీరో’ సినిమాతో దర్శకుడిగా గుర్తింపు తెచ్చుకున్న అనిరుధ్ అయ్యర్.. తన తదుపరి ప్రాజెక్ట్‌ను భారీ స్థాయిలో తెరకెక్కించేందుకు సిద్ధమవుతున్నట్లు సమాచారం.ఈ సినిమాలో అర్హాన్ పాత్రను చాలా పవర్‌ఫుల్‌గా డిజైన్ చేసినట్లు తెలుస్తోంది. హీరో క్యారెక్టర్‌లో యాక్షన్, ఇంటెన్సిటీ, మాస్ ఎలిమెంట్స్‌కు పెద్దపీట వేయనున్నారని సమాచారం. సాధారణంగా స్టార్ కుటుంబాల నుంచి వచ్చే కొత్త హీరోలకు తొలి సినిమాను గ్రాండ్ లవ్ స్టోరీగా లేదా యూత్‌ఫుల్ ఎంటర్‌టైనర్‌గా పరిచయం చేయడం చూస్తుంటాం. కానీ అర్హాన్ విషయంలో మాత్రం మేకర్స్ పూర్తి భిన్నమైన ప్లాన్‌తో ముందుకు వెళ్తున్నట్లు టాక్.

భారీ యాక్షన్ సన్నివేశాలు, హై-ఆక్టేన్ స్టంట్స్‌తో పాటు హీరోయిజాన్ని ఎలివేట్ చేసే సన్నివేశాలు ఈ సినిమాలో కీలకంగా ఉండనున్నాయని తెలుస్తోంది. అర్హాన్‌ను మొదటి సినిమాతోనే యాక్షన్ హీరోగా నిలబెట్టేలా కథను సిద్ధం చేస్తున్నట్లు సమాచారం. ఈ ప్రాజెక్ట్‌ను భారీ బడ్జెట్‌తో తెరకెక్కించేందుకు సన్నాహాలు జరుగుతున్నట్లు బాలీవుడ్ వర్గాల్లో చర్చ జరుగుతోంది. సినిమా మేకింగ్ విషయంలో ఎక్కడా రాజీ పడకుండా అత్యున్నత స్థాయి సాంకేతిక ప్రమాణాలతో రూపొందించాలనే ఆలోచనలో మేకర్స్ ఉన్నట్లు తెలుస్తోంది. ముఖ్యంగా సినిమాలోని యాక్షన్ బ్లాక్స్, స్టంట్స్ ప్రేక్షకులకు థియేట్రికల్ ఎక్స్‌పీరియన్స్ ఇచ్చేలా ప్లాన్ చేస్తున్నారని సమాచారం. ప్రస్తుతం ఈ సినిమా స్క్రిప్ట్ వర్క్ చివరి దశకు చేరుకున్నట్లు తెలుస్తోంది. కథ, పాత్రలను మరింత పకడ్బందీగా సిద్ధం చేసిన తర్వాత ప్రీ-ప్రొడక్షన్ పనులను వేగవంతం చేయనున్నట్లు సమాచారం.అర్హాన్ పాత్రకు తగ్గట్టుగా అతడి లుక్, ఫిజిక్, యాక్షన్ ట్రైనింగ్ వంటి అంశాలపై కూడా ప్రత్యేకంగా దృష్టి పెట్టనున్నారని టాక్ వినిపిస్తోంది.