విభిన్నమైన జానర్లలో

అగ్ర కథానాయకుడు అల్లు అర్జున్‌ ప్రస్తుతం ‘రాకా’ సినిమాలో నటిస్తున్న విషయం తెలిసిందే. పాన్‌ ఇండియా స్థాయిలో అట్లీ తెరకెక్కిస్తున్న ఈ చిత్రం షూటింగ్‌ ప్రస్తుతం ముంబైలో జరుగుతున్నది. అక్కడ అల్లు అర్జున్‌పై కీలక సన్నివేశాలను దర్శకుడు అట్లీ తెరకెక్కిస్తున్నారు. ఈ విషయాన్ని వైజాగ్‌లో జరిగిన ఓ ప్రైవేటు కార్యక్రమంలో బన్నీ స్వయంగా వెల్లడించారు.

అగ్ర కథానాయకుడు అల్లు అర్జున్‌ ప్రస్తుతం ‘రాకా’ సినిమాలో నటిస్తున్న విషయం తెలిసిందే. పాన్‌ ఇండియా స్థాయిలో అట్లీ తెరకెక్కిస్తున్న ఈ చిత్రం షూటింగ్‌ ప్రస్తుతం ముంబైలో జరుగుతున్నది. అక్కడ అల్లు అర్జున్‌పై కీలక సన్నివేశాలను దర్శకుడు అట్లీ తెరకెక్కిస్తున్నారు. ఈ విషయాన్ని వైజాగ్‌లో జరిగిన ఓ ప్రైవేటు కార్యక్రమంలో బన్నీ స్వయంగా వెల్లడించారు. వినూత్నమైన సైన్స్‌ ఫిక్షన్‌ నేపథ్యంలో టైమ్‌ ట్రావెల్‌ వంటి సరికొత్త కాన్సెప్ట్‌తో హాలీవుడ్‌ స్థాయిలో తెరకెక్కుతున్న చిత్రం ‘రాకా’. ఈ సినిమాపై దేశవ్యాప్తంగా భారీ అంచనాలే ఉన్నాయి.

ఈ సినిమా తర్వాత లోకేష్‌ కనకరాజ్‌ దర్శకత్వంలో సినిమా చేస్తారు బన్నీ. అది రా అండ్‌ రస్టిక్‌ జానర్‌లో సాగే అడ్వెంచరస్‌ థ్రిల్లర్‌ అని తెలుస్తున్నది. ఓ కొత్త ప్రపంచంలో సాహసాలతో కూడిన ప్రయాణమే ఈ సినిమా కథాంశమని వినికిడి. ఈ సినిమా తర్వాత మలయాళ టాలెంటెడ్‌ డైరెక్టర్‌ బాసిల్‌ జోసెఫ్‌ దర్శకత్వంలో సినిమా చేయనున్నారు బన్నీ. అత్యున్నత సాంకేతిక విలువలతో కూడిన సూపర్‌హీరో మూవీ ఇదని తెలిసింది. ఇలా విభిన్నమైన జానర్లలో లార్జర్‌దేన్‌ లైఫ్‌ కాన్సెప్ట్‌లతో దూసుకుపోతున్నారు బన్నీ.