Visit:
AA22 x A6 | ఐకాన్ స్టార్ అల్లు అర్జున్ సినిమాలు రోజు రోజుకి ప‌రిధి దాటుతున్నాయి. కోలీవుడ్, బాలీవుడ్ స్థాయిల‌ని దాటేసిన బన్నీ ఇప్పుడు హాలీవుడ్‌పై క‌న్నేసిన‌ట్టు తెలుస్తుంది. పుష్ప 2 తర్వాత బన్నీ ఏ సినిమా చేస్తాడా అని అంద‌రిలో అనేక అనుమానాలు ఉండ‌గా, వాటికి ఈ రోజు క్లారిటీ వ‌చ్చింది. అట్లీతో చేయ‌నున్నాడ‌ని, సన్ పిక్చర్స్ భారీ స్థాయిలో నిర్మించ‌నుంద‌ని మేకింగ్ వీడియోతో అర్ధ‌మైంది. ఇక ఈ ప్రాజెక్ట్‌కి AA22xA6 వర్కింగ్‌ టైటిల్‌ పెట్టారు. అంటే.. అల్లు అర్జున్ 22వ చిత్రం, అట్లీ దర్శకుడిగా 6వ చిత్రంగా వ‌స్తున్న ఈ మూవీ ఎలాంటి క‌థ‌తో రూపొందుతుంది అనే చర్చ సాగుతుంది. అట్లీ స్క్రిప్ట్ చదివిన తర్వాత ఈ ప్రాజెక్ట్‌ చాలా ఎనర్జిటిగ్‌ ఉందని వాస్తవంగా చాలా సవాలుతో కూడిన ప్రాజెక్ట్‌లలో ఇది ఒక‌టి అని హాలీవుడ్ టెక్నీషియ‌న్స్ మేకింగ్ వీడియోలో తెలియ‌జేశారు.
ప్రస్తుతం ప్రీ ప్రొడక్షన్‌ పనులు శ‌ర‌వేగంగా జ‌రుగుతుండ‌గా, ఈ చిత్రానికి లాస్‌ఏంజెల్స్‌కు చెందిన వీఎఫ్‌ఎక్స్‌ సంస్థ పనిచేస్తోందని వీడియోని బ‌ట్టి అర్ధ‌మైంది. ఈ సినిమా సైంటిఫిక్‌ తరహాలో, ఏలియన్స్‌, గ్రహాంతరవాసుల నేప‌థ్యంలో రూపొంద‌నుంద‌ని తెలుస్తుంది. వీడియోలో హీరో, ద‌ర్శ‌కుడు ప‌లు బొమ్మ‌ల‌ని, ఆకారాల‌ని గ‌మ‌నిస్తూ ఉండ‌డం చూస్తుంటే ఈ చిత్రం రెగ్యుల‌ర్ మూవీగా ఉండ‌ద‌ని, హాలీవుడ్ రేంజ్‌లో ఉంటుంద‌ని అర్ధ‌మ‌వుతుంది. వీడియోలో అల్లు అర్జున్ ఫేస్‌కి తగ్గట్లుగా 360 డిగ్రీలలో 3D స్కానింగ్ చేయించుకుంటున్నారు. దీని ప్రకారం ఆయన గెటప్‌ కూడా మారుతుందని తెలుస్తోంది.
ఒక వ్యక్తి సూపర్ మ్యాన్ గా మారి కొన్ని రోబో లను తయారు చేస్తాడు. ఇక వాటితో పాటుగా కొన్ని జంతువుల్ని కూడా క్రియేట్ చేసి ఈ ప్రపంచాన్ని నాశనం చేయాల‌ని అనుకుంటాడు. అయితే దుష్ట శ‌క్తుల నుండి ప్రపంచాన్ని ఎలా కాపాడారు అన్న‌దే స్టోరీగా తెలుస్తుంది. హైలీ గ్రాఫిక్స్ తో విజువల్ వండర్ గా ఈ చిత్రాన్ని తెర‌కెక్కిస్తున్న‌ట్టు అర్ధ‌మ‌వుతుంది. ఇందులో బన్నీ పాత్ర‌లో ఐ సినిమాలో హీరో మాదిరిగా ఉంటుందా, లేక వేరే విధంగా ఉంటుందా అన్న సందేహాలు త‌లెత్తుతున్నాయి. ఏది ఏమైన ఈ సినిమా ప్రేక్ష‌కుల‌కి మంచి అనుభూతిని పంచ‌డం ఖాయం అని అంటున్నారు. తమిళ్‌లో మెర్సల్‌, తేరి, బిగిల్‌ సినిమాలతో పాటు బాలీవుడ్‌లో జవాన్‌ చిత్రంతో నేషనల్‌ వైడ్‌గా గుర్తింపు తెచ్చుకున్న అట్లీ ఇప్పుడు బ‌న్నీతో హాలీవుడ్ రేంజ్‌లో చిత్రం తెర‌కెక్కించ‌డం ఖాయం అంటున్నారు.
