ఇక ఇంటర్నేషనలే టార్గెట్‌!

‘పుష్ప-2’తో వైల్డ్‌ఫైర్‌లా దేశాన్ని చుట్టేసి రికార్డుల మోతమోగించారు అల్లు అర్జున్‌. ఇక ‘జవాన్‌'తో పాన్‌ ఇండియా రేంజ్‌లో దర్శకుడిగా సత్తా చాటారు అట్లీ. వీరిద్దరి కలయికలలో సినిమా సెట్‌ కావడంతో ఇక బాక్సాఫీస్‌ రికార్డులన్నీ కనుమరుగే అంటూ అభిమానులు సంతోషంగా ఉన్నారు.

‘పుష్ప-2’తో వైల్డ్‌ఫైర్‌లా దేశాన్ని చుట్టేసి రికార్డుల మోతమోగించారు అల్లు అర్జున్‌. ఇక ‘జవాన్‌’తో పాన్‌ ఇండియా రేంజ్‌లో దర్శకుడిగా సత్తా చాటారు అట్లీ. వీరిద్దరి కలయికలలో సినిమా సెట్‌ కావడంతో ఇక బాక్సాఫీస్‌ రికార్డులన్నీ కనుమరుగే అంటూ అభిమానులు సంతోషంగా ఉన్నారు. అల్లు అర్జున్‌-అట్లీ కాంబినేషన్‌లో పాన్‌ వరల్డ్‌ చిత్రం తెరకెక్కబోతున్న విషయం తెలిసిందే. గత నెలలోనే ఈ సినిమా ప్రకటన వెలువడింది. ప్రముఖ నిర్మాణ సంస్థ సన్‌ పిక్చర్స్‌ నిర్మించనుంది. ప్రస్తుతం ఈ చిత్రానికి సంబంధించిన ప్రీప్రొడక్షన్‌ పనులు ఊపందుకున్నాయి.

బుధవారం దర్శకుడు అట్లీ హైదరాబాద్‌ చేరుకున్నారు. అల్లు అర్జున్‌తో కలిసి ఆయన ప్రీప్రొడక్షన్‌ తాలూకు చర్చల్లో పాల్గొనబోతున్నారు. జూన్‌లో ఈ సినిమా సెట్స్‌మీదకు వెళ్లనుంది. సైన్స్‌ఫిక్షన్‌ చిత్రమిదని సమాచారం. అంతర్జాతీయ ప్రమాణాలతో తెలుగులో రూపొందిస్తున్న తొలి పాన్‌ ఇండియా చిత్రమిదని మేకర్స్‌ చెబుతున్నారు. ‘పుష్ప’ అంటే నేషనల్‌ అనుకుంటివా? ఇంటర్నేషనలూ..’ అంటూ ‘పుష్ప-2’లో అల్లు అర్జున్‌ చెప్పిన డైలాగ్‌ తరహాలోనే..ఈ సినిమాతో బన్నీ ఇంటర్నేషనల్‌ బాక్సాఫీస్‌ను టార్గెట్‌ చేయబోతున్నారని ఆయన అభిమానులు కాన్ఫిడెంట్‌గా ఉన్నారు.