రజనీకాంత్‌ లాల్‌ సలాం

పాన్‌ ఇండియా చిత్రాలను నిర్మిస్తూ ప్రతిష్టాత్మక నిర్మాణ సంస్థగా పేరుపొందిన లైకా ప్రొడక్షన్స్‌ సంస్థ నిర్మిస్తున్న మరో భారీబడ్జెట్‌ చిత్రం ‘లాల్‌సలాం’.

పాన్‌ ఇండియా చిత్రాలను నిర్మిస్తూ ప్రతిష్టాత్మక నిర్మాణ సంస్థగా పేరుపొందిన లైకా ప్రొడక్షన్స్‌ సంస్థ నిర్మిస్తున్న మరో భారీబడ్జెట్‌ చిత్రం ‘లాల్‌సలాం’. రజనీకాంత్‌ కీలకపాత్రలో నటిస్తున్న ఈ చిత్రంలో విష్ణు విశాల్‌, విక్రాంత్‌ హీరోలుగా నటిస్తున్నారు. సుభాస్కరన్‌ నిర్మాత, ఐశ్వర్య రజనీకాంత్‌ దర్శకత్వం వహిస్తున్న ఈ చిత్రం రెగ్యులర్‌ షూటింగ్‌ ఇటీవల ప్రారంభమైంది.

లైకా ప్రతినిధి మాట్లాడుతూ ‘ఈ చిత్రంలో ఉన్న పవర్‌ఫుల్‌ పాత్రకు గొప్ప నటుడు కావాలి. అందుకే ఆ పాత్రకు రజనీకాంత్‌ను రిక్వెస్ట్‌ చేసి ఒప్పించాం. వైవిధ్యమైన కథతో రాబోతున్న ఈ చిత్రం తప్పకుండా అందర్ని అలరిస్తుందనే నమ్మకం ఉంది. ఈ చిత్రానికి ఎ.ఆర్‌.రెహమాన్‌ సంగీతం ప్రధానాకర్షణగా నిలుస్తుంది’ అన్నారు.