బాలీవుడ్లో అన్యోన్య దంపతులుగా పేరు తెచ్చుకున్నారు అభిషేక్ బచ్చన్-ఐశ్వర్యరాయ్. దాదాపు 17 ఏండ్ల సుదీర్ఘ వైవాహిక బంధంలో వీరి మధ్య విభేదాలు తలెత్తిన దాఖలాలు లేవు. అయితే ఈ జంట విడిపోనున్నారంటూ గత కొద్ది రోజులుగా సోషల్ మీడియాలో వార్తలు ప్రచారమవుతున్నాయి. కొద్ది రోజుల క్రితం అమితాబ్బచ్చన్ ‘అంతా అయిపోయింది’ అనే అర్థం వచ్చేలా చేసిన ట్వీట్ అభిషేక్ బచ్చన్ దంపతులు విడాకుల రూమర్స్కు ఆజ్యం పోసింది. ఐశ్యర్యరాయ్ సోషల్ మీడియా ఖాతాలను అమితాబ్ అన్ఫాలో చేశారని మీడియాలో కథనాలొచ్చాయి.
ఈ నేపథ్యంలో అభిషేక్-ఐశ్వర్యరాయ్ విడాకులు తీసుకోబోతున్నారంటూ జోరుగా ప్రచారం జరుగుతున్నది. ఈ రూమర్స్ అన్నింటికి తన తాజా వీడియోతో చెక్ పెట్టింది ఐశ్వర్యరాయ్. ముంబయిలో జరిగిన ఓ స్కూల్ వార్షికోత్సవ వేడుకలో అమితాబ్బచ్చన్, అభిషేక్, ఐశ్వర్యరాయ్ కలిసి పాల్గొన్నారు. ముగ్గురూ సరదాగా నవ్వుతూ కనిపించారు. ఇదే ఈవెంట్లో అమితాబ్బచ్చన్ ఫ్యామిలీ అంతా కలిసి స్టేజీ మీద నృత్యం చేశారు. దీంతో విడాకుల రూమర్స్కు చెక్ పడినట్లయిందని అభిమానులు సంతోషం వ్యక్తం చేస్తున్నారు.