Samantha | పుష్ప త‌ర్వాత‌ స‌మంత మ‌రోసారి ఐటెం సాంగ్‌కు గ్రీన్ సిగ్న‌ల్ ఇచ్చిందా?

January 23, 2022 / 06:12 PM IST

Samantha Item song | నాగ‌చైత‌న్యతో విడాకుల త‌ర్వాత స‌మంత త‌న రూటు మొత్తం మార్చేసింది. బ్యాక్ టు బ్యాక్ సినిమాల‌ను ఒప్పుకుంటుంది. కేవ‌లం టాలీవుడ్ అనే కాకుండా కోలీవుడ్‌, బాలీవుడ్‌, హాలీవుడ్ అని ఇలా అన్ని సినీ ఇండ‌స్ట్రీల నుంచి స‌మంత‌కు వ‌రుస ఆఫ‌ర్లు వ‌స్తున్నాయి. వీటిలో చాలా వాటికి గ్రీన్ సిగ్న‌ల్ కూడా ఇచ్చింది కూడా. విడాకుల త‌ర్వాత సామ్ కెరీర్ ముగిసిపోతుంద‌ని అంతా భావించారు.. కానీ రెట్టింపు ఉత్సాహంతో ఆమె సినిమాల‌ను ఒప్పుకుంటూపోతుంది. అంతేకాదు కెరీర్‌లోనే తొలిసారిగా ఐటెంసాంగ్‌లో కూడా స్టెప్పులేసింది స‌మంత‌. ఈ సాంగ్ యూట్యూబ్‌ను ఊపేసింది. దీంతో ఇప్పుడు మ‌రో పాన్ ఇండియా సినిమాలో ఐటెం సాంగ్ చేసే అవ‌కాశం వ‌చ్చిన‌ట్లు తెలుస్తోంది. ఈ స్పెష‌ల్ సాంగ్‌కు సామ్ గ్రీన్ సిగ్న‌ల్ కూడా ఇచ్చేసింద‌ని ప్ర‌చారం జ‌రుగుతోంది.

స‌కుమార్‌, అల్లు అర్జున్ కాంబినేష‌న్‌లో వ‌చ్చిన పుష్ప సినిమాలో స‌మంత చేసిన‌ స్పెష‌ల్ సాంగ్ ఎంత పాపుల‌ర్ అయ్యిందో ప్ర‌త్యేకంగా చెప్ప‌క్క‌ర్లేదు. ఊ అంటావా మావా.. ఊఊ అంటావా మావా అని సాగే ఈ పాట కుర్ర‌కారుకు పిచ్చెక్కించింది. యూట్యూబ్‌లోనూ ఈ సాంగ్ 73 మిలియ‌న్ల వ్యూస్ సొంతం చేసుకుంది. మొత్తం మీద పుష్ప సినిమా స‌క్సెస్‌లోనూ కీల‌క పాత్ర పోషించింది స‌మంత స్పెష‌ల్ సాంగ్‌. అందుకే ఈ క్రేజ్‌ను రౌడీ హీరో విజ‌య్ దేవ‌ర‌కొండ కూడా వాడుకోవాల‌ని చూస్తున్నాడు. విజ‌య్ దేవ‌ర‌కొండ హీరోగా పూరీ జ‌గ‌న్నాథ్ ద‌ర్శ‌క‌త్వంలో లైగ‌ర్ సినిమా తెర‌కెక్కుతుంది. బాక్సింగ్ నేప‌థ్యంలో పాన్ ఇండియా చిత్రంగా పూరీ దీన్ని తెర‌కెక్కిస్తున్నారు. అయితే ఇందులో ఒక స్పెష‌ల్ సాంగ్ కూడా ఉంద‌ట‌. ఈ పాట కోసం ఎవ‌రైనా క‌థానాయిక‌ను తీసుకోవాల‌ని లైగర్ యూనిట్ భావించింది. ఈ క్ర‌మంలో ఊ అంటావా మావా.. ఊఊ అంటావా మావా సాంగ్ సూప‌ర్ హిట్ కోవ‌డంతో లైగర్ సినిమాలో కూడా స‌మంత‌తోనే స్పెష‌ల్ సాంగ్ చేయిస్తే బాగుంటుంద‌ని అనుకుంటున్నార‌ట‌. ఇదే విష‌య‌మై లైగ‌ర్ యూనిట్ స‌మంత‌తో సంప్ర‌దింపులు జ‌రుపుతున్న‌ట్లు స‌మాచారం. విజ‌య్ దేవ‌ర‌కొండ కూడా త‌న‌కున్న చ‌నువుతో స‌మంత‌ను ఒప్పించేందుకు ప్ర‌య‌త్నిస్తున్న‌ట్లు తెలుస్తోంది. విజ‌య్‌, స‌మంత ఇద్ద‌రూ మ‌హాన‌టి సినిమా కోసం ప‌నిచేసిన సంగ‌తి తెలిసిందే. మ‌రి విజ‌య్ దేవ‌ర‌కొండ మాట మ‌న్నించి స‌మంత ఈ ఐటెం సాంగ్ ఒప్పుకుంటుందా? లేదా? అనేది చూడాలి మ‌రి.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి