విఫల ప్రేమ జ్ఞాపకాలు

తొమ్మిదో తరగతిలో ఉన్నప్పుడే తన సీనియర్‌ అయిన ఓ అబ్బాయి ప్రేమలో పడ్డానని, అయితే ఆ బంధం ఎక్కువ కాలం నిలవలేదని చెప్పింది పంజాబీ భామ తాప్సీ. కెరీర్‌ ఆరంభంలో తెలుగులో గ్లామర్‌ నాయికగా పేరు తెచ్చుకున్న ఈ భామ అనంతరం హిందీ చిత్రసీమలో తన అదృష్టాన్ని పరీక్షించుకుంది.

తొమ్మిదో తరగతిలో ఉన్నప్పుడే తన సీనియర్‌ అయిన ఓ అబ్బాయి ప్రేమలో పడ్డానని, అయితే ఆ బంధం ఎక్కువ కాలం నిలవలేదని చెప్పింది పంజాబీ భామ తాప్సీ. కెరీర్‌ ఆరంభంలో తెలుగులో గ్లామర్‌ నాయికగా పేరు తెచ్చుకున్న ఈ భామ అనంతరం హిందీ చిత్రసీమలో తన అదృష్టాన్ని పరీక్షించుకుంది. అక్కడ మహిళా ప్రధాన ఇతివృత్తాలను ఎంచుకొని ప్రతిభను నిరూపించుకుంది.

వైవిధ్యమైన కథలకు చిరునామా తాప్సీ అనే పేరును సంపాదించుకుంది. ఇటీవల విడుదలైన ‘డంకీ’ చిత్రంలో షారుఖ్‌ఖాన్‌తో జోడీగా తనదైన నటనతో ఆకట్టుకుంటున్నది తాప్సీ. ఈ సందర్భంగా ఇచ్చిన ఓ ఇంటర్వ్యూలో తన పాఠశాల ప్రేమాయాణం గురించి చెప్పుకొచ్చింది. ‘ఆ ఆబ్బాయి నా సీనియర్‌. నాతో చనువుగా ఉండేవాడు. ఏమైందో ఏమో గానీ ఒక్కసారిగా మాట్లాడటం మానేశాడు. ప్రేమ వ్యవహారం వల్ల తాను చదువుపై దృష్టి పెట్టలేకపోతున్నానని బాధ పడేవాడు. అలా నా నుంచి క్రమంగా దూరమయ్యాడు. విడిపోయే ముందు నేను బాగా చదువుకొని లైఫ్‌లో సక్సెస్‌ కావాలని ఓ సలహా కూడా ఇచ్చాడు. అయితే నిజమైన ప్రేమకు, ఆకర్షణకు తేడా తెలియని ప్రాయం కాబట్టి ఆ విఫల ప్రేమ జ్ఞాపకాలు కొన్ని రోజులు బాధించాయి’ అని చెప్పింది తాప్సీ.