Actress Sreeleela | బెంగళూరులో హాస్పిటల్ పెట్టె ఆలోచనలో శ్రీలీల.?

Actress Sreeleela | పెళ్లిసందడి ఫేమ్ శ్రీలీల టాలీవుడ్‌లో వ‌రుస సినిమాల‌తో దూసుకుపోతుంది. గ‌త‌ ఏడాది ‘ధమాకా’తో భారీ బ్లాక్ బ‌స్ట‌ర్ అందుకున్న ఈ భామ ఈ ఏడాది భగవంత్ కేసరి, స్కంద, ‘ఎక్స్‌ట్రా ఆర్డినరీ మ్యాన్‌’ సినిమాల‌తో సందడి చేసింది. వ‌చ్చే ఏడాది కూడా గుంటూరు కారం, ఉస్తాద్ భగత్ సింగ్ వంటి సినిమాలతో ఇదే హవా కొనసాగించనుంది శ్రీలీల.

Actress Sreeleela | పెళ్లిసందడి ఫేమ్ శ్రీలీల టాలీవుడ్‌లో వ‌రుస సినిమాల‌తో దూసుకుపోతుంది. గ‌త‌ ఏడాది ‘ధమాకా’తో భారీ బ్లాక్ బ‌స్ట‌ర్ అందుకున్న ఈ భామ ఈ ఏడాది భగవంత్ కేసరి, స్కంద, ‘ఎక్స్‌ట్రా ఆర్డినరీ మ్యాన్‌’ సినిమాల‌తో సందడి చేసింది. వ‌చ్చే ఏడాది కూడా గుంటూరు కారం, ఉస్తాద్ భగత్ సింగ్ వంటి సినిమాలతో ఇదే హవా కొనసాగించనుంది శ్రీలీల. అయితే సినిమాల‌పై ఆమెకు ఎంత ఆస‌క్తిగా ఉందో? చ‌దువు అన్నా అంతే ఆస‌క్తి. అందుకే డాక్ట‌ర్ కుటుంబం నుంచి వ‌చ్చిన అమ్మ‌డు డాక్ట‌ర్ కావాల‌నుకుంది. ఈ నేప‌థ్యంలో చ‌దువును ఎక్క‌డా అశ్ర‌ద్ధ చేయ‌లేదు. ఓవైపు సినిమాలు చేస్తూనే మ‌రోవైపు ఎంబీబీఎస్ పూర్తిచేసే ప‌నిలో ఉంది. ప్ర‌స్తుతం ఎంబీబీఎస్ చివ‌రి ఏడాది ప‌రీక్ష‌లు రాస్తోంది. ఈ నెల 18 నుంచి 24 వరకూ ముంబయిలో ఎంబీబీఎస్‌ పరీక్షలు కావడంతో, షూటింగ్‌లకు బ్రేక్‌ ఇచ్చి ముంబయి చెక్కేసింది ఈ ముద్దుగుమ్మ. ఈ పరీక్షల్లో ఉత్తీర్ణురాలైతే యాక్ట్రస్‌ శ్రీలీల కాస్తా డాక్టర్‌ శ్రీలీలగా మారుతుందన్నమాట.

అయితే ఈ ఫైన‌ల్ ఇయ‌ర్ ప‌రీక్ష‌లు ముగిసిన అనంత‌రం శ్రీలీల త‌న త‌ల్లితో క‌లిసి బెంగుళూరులో ఒక ఆసుప‌త్రి ప్రారంభించే ఆలోచ‌న‌లో ఉందట‌. అయితే అంత‌కు ముందే హ‌య్యర్ స్ట‌డీస్​కు వెళ్లాలా? లేక సినిమాలు కొన‌సాగిస్తూ ఆసుప‌త్రి బాధ్య‌త‌లు నిర్వ‌ర్తించాలా? అన్న‌ది శ్రీలీల ఇంకా ఆలోచించుకోలేద‌ని స‌మాచారం. ఇక హయ్యర్‌ స్టడీస్‌ అంటే మాత్రం ఈ స్థాయిలో సినిమాలు చేయడం కుదిరేపనైతే కాదు. మరి కెరీర్‌ని ఎలా ప్లాన్‌ చేసుకుంటుందో చూడాలి.