Visit:
Prabhas | ‘కల్కి’ సినిమాతో అపూర్వ విజయాన్ని సొంతం చేసుకున్నారు ప్రభాస్‌. ఈ ఆనందోత్సాహంలో తన తదుపరి సినిమాల కోసం సన్నద్ధమవుతున్నారు. హనురాఘవపూడి దర్శకత్వంలో తెరకెక్కనున్న పీరియాడిక్‌ యాక్షన్‌ చిత్రం ఇటీవలే లాంఛనంగా ప్రారంభమైన విషయం తెలిసిందే.
ఇదిలావుండగా మారుతి దర్శకత్వంలో ప్రభాస్‌ నటిస్తున్న హారర్‌ కామెడీ ఎంటర్‌టైనర్‌ ‘రాజాసాబ్‌’ కోసం అభిమానులు ఆతృతగా ఎదురుచూస్తున్నారు. జూలైలో విడుదల చేసిన గ్లింప్స్‌కు అద్భుతమైన స్పందన లభించింది. ప్రభాస్‌ రొమాంటిక్‌ లుక్స్‌తో ఫిదా చేశారు.
తాజాగా ఈ సినిమా గురించి ఓ ఆసక్తికరమైన అప్‌డేట్‌ బయటికొచ్చింది. ప్రభాస్‌ జన్మదినమైన అక్టోబర్‌ 23న టీజర్‌ను విడుదల చేస్తారని వార్తలొస్తున్నాయి. ఏప్రిల్‌లో ఈ చిత్రం ప్రేక్షకుల ముందుకురానుంది. ప్రస్తుతం ‘రాజాసాబ్‌’ చిత్రీకరణ హైదరాబాద్‌లో జరుగుతున్నది. ప్రభాస్‌ తన షూటింగ్‌ పార్ట్‌ను ఇప్పటికే పూర్తి చేశారు. తాజా షెడ్యూల్‌లో ఇతర తారాగణంపై కీలక సన్నివేశాలను తెరకెక్కిస్తున్నారు.
