Visit:
Exam Trailer | తమిళ నటుడు అబ్బాస్ తన సెకండ్ ఇన్నింగ్స్లో దూసుకుపోతున్నారు. ఇప్పటికే ‘హ్యాపిరాజ్’ సినిమాతో సూపర్ హిట్ అందుకున్న ఆయన, ఇప్పుడు ఓ ఆసక్తికరమైన వెబ్ సిరీస్తో ప్రేక్షకుల ముందుకు రాబోతున్నారు. ప్రస్తుత పోటీ పరీక్షల ప్రపంచంలో జరిగే అక్రమాలు, పేపర్ లీకేజీలు మరియు వ్యవస్థలోని లొసుగుల ఇతివృత్తంతో రూపొందిన సస్పెన్స్ థ్రిల్లర్ సిరీస్ ‘ఎగ్జామ్’ (Exam). ప్రముఖ ఓటీటీ వేదిక అమెజాన్ ప్రైమ్ వీడియోలో మే 15 నుంచి తమిళంతో పాటు తెలుగు, హిందీ, కన్నడ మరియు మలయాళ భాషల్లో ఈ సిరీస్ అందుబాటులోకి రానుంది. ఈ సందర్భంగా ట్రైలర్ను విడుదల చేసింది చిత్రయూనిట్.
ఈ సిరీస్ ట్రైలర్ చూస్తుంటే, కథ అంతా పోటీ పరీక్షల ప్రపంచంలో జరిగే అవినీతి చుట్టూ తిరుగుతుందని అర్థమవుతోంది. ఒక సామాన్య యువతి (దుశారా విజయన్) ఈ వ్యవస్థలోని లోపాలను ఎలా ఎండగట్టిందనేది ఇందులో ప్రధానాంశం. దుశారా విజయన్, అదితి బాలన్ ప్రధాన పాత్రల్లో నటించగా, అబ్బాస్ ఒక కీలక పాత్రలో కనిపిస్తున్నారు. ఈ సిరీస్కు ప్రముఖ మేకర్స్ పుష్కర్ – గాయత్రి క్రియేటివ్ ప్రొడ్యూసర్లుగా వ్యవహరించగా, ఎ. సర్కుణం దర్శకత్వం వహించారు.
