క‌శ్మీర్ ఫైల్స్‌పై ప్ర‌శంస‌లు.. అంద‌రూ చూడాల‌ని కోరిన ఆమిర్ ఖాన్

ముంబై : ఇటీవ‌ల రిలీజైన ద క‌శ్మీర్ ఫైల్స్ చిత్రంపై బాలీవుడ్ హీరో ఆమిర్ ఖాన్ ప్ర‌శంస‌లు కురిపించారు. క‌శ్మీర్ పండిట్ల ఊచ‌కోత‌, వ‌ల‌స‌పై తీసిన ఆ సినిమా అద్భుతంగా ఉంద‌ని ఆయ‌న అన్నారు. అంద‌రూ ఈ చిత్రాన్ని వీక్షించాల‌ని ఆమిర్ కోరారు. ట్రిపుల్ ఆర్ చిత్ర ప్ర‌మోష‌న్‌లో పాల్గొన్న ఆమిర్‌ను మీడియా ప్ర‌శ్నించింది. క‌శ్మీర్ ఫైల్స్ చూశారా అని ఆయ‌న్ను అడగ్గా.. ఆ స‌మ‌యంలో ఆమిర్ స‌మాధానం ఇచ్చారు. క‌చ్చితంగా ఆ సినిమాను చూస్తాన‌ని, చ‌రిత్ర‌లో ఆ ఘ‌ట‌న విషాద‌క‌ర‌మైంద‌ని, క‌శ్మీర్ పండిట్ల‌కు జ‌రిగిన అన్యాయం బాధాక‌ర‌మ‌ని, అలాంటి చిత్రాల‌ను చూడాల‌ని ఆయ‌న అన్నారు. మాన‌వ‌త్వానికి సంబంధించిన అంశాన్ని ప్ర‌తి ఒక్క‌రూ ఆద‌రిస్తున్న‌ట్లు ఆయ‌న చెప్పారు. త‌ప్ప‌కుండా ఆ చిత్రాన్ని చూస్తాన‌ని, ఆ సినిమా స‌క్సెస్ కావ‌డం సంతోషంగా ఉంద‌న్నారు.