Bimbisara Movie | ఓటీటీలో ‘బింబిసార’ సరికొత్త రికార్డు?

Bimbisara Movie | ఈ ఏడాది బ్లాక్‌ బస్టర్‌ చిత్రాలలో ‘బింబిసార’ ఒకటి. కళ్యాణ్‌ రామ్‌ ప్రధాన పాత్రలో నటించిన ఈ చిత్రానికి మల్లడి వశిష్ఠ దర్శకత్వం వహించాడు. ఎలాంటి అంచనాల్లేకుండా ఆగస్టు 5న విడులైన ఈ చిత్రం సంచలన విజయం సాధించింది.

Bimbisara Movie | ఈ ఏడాది బ్లాక్‌ బస్టర్‌ చిత్రాలలో ‘బింబిసార’ ఒకటి. కళ్యాణ్‌ రామ్‌ ప్రధాన పాత్రలో నటించిన ఈ చిత్రానికి మల్లాడి వశిష్ఠ దర్శకత్వం వహించాడు. ఎలాంటి అంచనాల్లేకుండా ఆగస్టు 5న విడులైన ఈ చిత్రం సంచలన విజయం సాధించింది. రిలీజైన ఫస్ట్‌ వీక్‌లోనే ఈ చిత్రం బ్రేక్‌ ఈవెన్ పూర్తి చేసుకుంది. కళ్యాణ్‌ రామ్‌ కెరీర్‌లోనే హైయెస్ట్‌ కలెక్షన్‌లను సాధించిన చిత్రంగా ‘బింబిసార’ నిలిచింది. ఈ చిత్రంలో కళ్యాణ్‌ రామ్‌ నటనకు గొప్ప ప్రశంసలు దక్కాయి. డ్యూయల్‌ రోల్‌లో కళ్యాణ్‌రామ్‌ అద్భుతంగా నటించాడు. ఇదిలా ఉంటే ఈ చిత్రం ఇటీవలే ఓటీటీలోకి వచ్చిన విషయం తెలిసిందే. అయితే ఓటీటీలోనూ ఈ చిత్రం దూసుకుపోతుంది.

అక్టోబర్ 21నుండి ప్రముఖ ఓటీటీ సంస్థ జీ-5లో స్ట్రీమింగ్‌ అవుతున్న ఈ చిత్రం డిజిటల్‌లోనూ ఘన విజయం సాధిస్తుంది. ఈ చిత్రం తాజాగా 200మిలియన్‌(20 కోట్ల) స్ట్రీమింగ్‌ మినట్స్‌ను సొంతం చేసుకుంది. ఇంత వేగంగా ఈ ఘనతను అందుకున్న సినిమాగా బింబిసార జీ-5లో సరికొత్త రికార్డు క్రియేట్‌ చేసింది. ఫాంటసీ నేపథ్యంలో తెరకెక్కిన ఈ మూవీలో కళ్యాణ్‌రామ్‌కు జోడీగా కేథరీన్‌ ట్రెసా, సంయుక్త మీనన్ హీరోయిన్‌లుగా నటించారు. ఎన్టీఆర్‌ ఆర్స్ట్ పతాకంపై కళ్యాణ్‌ రామ్‌ స్వీయ నిర్మాణంలో ఈ చిత్రాన్ని తెరకెక్కించాడు. రూ.15 కోట్ల వరకు బిజినెస్‌ జరుపుకున్న ఈ చిత్రం ఫైనల్‌గా రూ.36 కోట్ల వరకు షేర్‌ సాధించి బ్లాక్‌ బస్టర్‌ సినిమాగా నిలిచింది. ప్రస్తుతం ‘బింబిసార-2’ స్క్రిప్ట్‌ పనులు జరుగుతున్నాయి. అన్ని కుదిరితే వచ్చే ఏడాది ప్రారంభంలో ఈ మూవీ సీక్వెల్‌ పట్టాలెక్కే అవకాశం ఉంది.