సమకాలీన సమస్యలతో

మోహన్‌ హీరోగా నటిస్తూ స్వీయ దర్శకత్వంలో రూపొందిస్తున్న చిత్రం ‘1997’. నవీన్‌చంద్ర, కోటి ప్రధాన పాత్రల్ని పోషిస్తున్నారు. ఈ చిత్ర పోస్టర్‌ను ఆదివారం హైదరాబాద్‌లో దర్శకుడు శ్రీకాంత్‌ అడ్డాల విడుదలచేశారు. ఈ సందర్భంగా ఆయన మాట్లాడుతూ ‘టైటిల్‌ ఆసక్తిని రేకెత్తిస్తోంది. ప్రతి ఒక్కరి జీవితంలో మరుగున పడిన తీపి జ్ఞాపకాల్ని ఈ చిత్రం గుర్తుకుతెస్తుందనే నమ్మకముంది’ అని అన్నారు. సమకాలీన సమస్యను చర్చిస్తూ వాణిజ్య ప్రధానంగా ఈ సినిమాను తెరకెక్కించామని, కోటి, నవీన్‌చంద్ర పాత్రలు ప్రధానాకర్షణగా నిలుస్తాయని మోహన్‌ పేర్కొన్నారు. హీరో చిరంజీవి ప్రోద్భలంతోనే తాను నటనపై దృష్టిసారిస్తున్నట్లు సంగీత దర్శకుడు కోటి చెప్పారు. ఈ కార్యక్రమంలో నవీన్‌చంద్ర తదితరులు పాల్గొన్నారు.