WhatsApp | అందుబాటులోకి స్మార్ట్ ఫోన్లు వచ్చాక మెసేజ్ లు పంపడానికి ఇన్ స్టంట్ మెసేజింగ్ యాప్ వాట్సాప్ వచ్చింది. దాంట్లో కొంతమంది గ్రూపుగా చేరిపోవచ్చు.. అయితే, ఇటీవలి కాలంలో ఇతరులు సంబంధిత వ్యక్తి అనుమతి పొందకుండానే మనల్ని వాట్సాప్ గ్రూపుల్లో యాడ్ చేస్తారు. ఇలా చేయడం కొందరు ఇబ్బందిగా భావిస్తుంటారు. అలాగని వారు బయటకు రాలేరు.. ఆ గ్రూపులో కొనసాగడానికి ఇబ్బంది పడుతుంటారు. అటువంటి వారికి.. ఇబ్బంది రాకుండా వాట్సాప్ లో ఉన్న ఒక ఫీచర్ ఎనేబుల్ చేసుకుంటే చాలు.. మన పర్మిషన్ లేకుండా ఇతరులెవ్వరూ కొత్త గ్రూపులో యాడ్ చేయలేరు. అదేలాగో తెలుసుకుందాం..
వాట్సాప్ లో పైన కుడి వైపున కనిపించే మూడు చుక్కలపై క్లిక్ చేసి.. ‘సెట్టింగ్స్’లోకి వెళ్లి ‘ప్రైవసీ’ ఆప్షన్ ఎంచుకోవాలి.. కిందకు స్క్రోల్ చేస్తూ ‘గ్రూప్స్’ అనే ఆప్షన్ వస్తుంది. గ్రూప్ ఆప్షన్ ట్యాప్ చేయాలి. అందులో ఎవ్రీవన్, మై కాంటాక్ట్స్, మై కాంటాక్ట్స్ ఎక్సెప్ట్ అనే ఆప్షన్లలో ఎవ్రీ వన్ కాకుండా మిగతా ఆప్షన్లు ఎంచుకుంటే.. మనల్ని ఎవరైనా గ్రూప్ లో యాడ్ చేయాలని భావిస్తే ‘ఇన్వైట్’ లింక్ వస్తుంది. ఆ లింక్ క్లిక్ చేసి గ్రూపులో యాడ్ కావచ్చు.