Vivo T3 5G | 21న వివో టీ3 5జీ ఆవిష్కరణ.. ఇవీ స్పెషిఫికేషన్స్..?!

Vivo T3 5G | ప్రముఖ స్మార్ట్ ఫోన్ల తయారీ సంస్థ వివో (Vivo) తన వివో టీ3 5జీ (Vivo T3 5G) ఫోన్‌ను ఈ నెల 21న భారత్ మార్కెట్లో ఆవిష్కరించనున్నది.

Vivo T3 5G | ప్రముఖ స్మార్ట్ ఫోన్ల తయారీ సంస్థ వివో (Vivo) తన వివో టీ3 5జీ (Vivo T3 5G) ఫోన్‌ను ఈ నెల 21న భారత్ మార్కెట్లో ఆవిష్కరించనున్నది. ఈ ఫోన్ మీడియా టెక్ డైమెన్సిటీ 7200 ఎస్వోసీ చిప్‌సెట్‌తో వస్తుందని తెలుస్తున్నది. ఎల్ఈడీ ఫ్లాష్‌తోపాటు ట్రిపుల్ రేర్ కెమెరా సెటప్ కలిగి ఉంటుందని భావిస్తున్నారు. వివో టీ3 5జీ ఫోన్ ధర రూ.20 వేల లోపు ఉంటుందని తెలుస్తున్నది. ఈ-కామర్స్ ప్లాట్ ఫామ్ ఫ్లిప్ కార్ట్ ద్వారా విక్రయాలు జరుగుతాయని సమాచారం.

వివో టీ3 5జీ ఫోన్ క్రిస్టల్ ఫ్లేక్, కాస్మిక్ బ్లూ కలర్ ఆప్షన్లలో వస్తుందని సమాచారం. 120 హెర్ట్జ్ రీఫ్రెష్ రేటుతోపాటు 6.67 అంగుళాల ఫుల్ హెచ్డీ+ అమోలెడ్ స్క్రీన్ డిస్ ప్లే ఉంటుంది. 1800 నిట్స్ పీక్ బ్రైట్ నెస్ తో వస్తుంది. 8 జీబీ ర్యామ్ విత్ 128 జీబీ / 256 జీబీ స్టోరేజీ వేరియంట్లలో లభిస్తుంది. ఫోన్ ర్యామ్ వర్చువల్‌గా పెంచుకోవచ్చు.

వివో టీ3 5జీ ఫోన్ 50-మెగా పిక్సెల్ సోనీ ఐఎంఎక్స్882 లెన్స్ సెన్సర్ కెమెరా, 2-మెగా పిక్సెల్ బొకెహ్ లెన్స్, ఫ్లికర్ సెన్సర్, సెల్ఫీలూ వీడియో కాల్స్ కోసం 16-మెగా పిక్సెల్ సెన్సర్ కెమెరా ఉంటుంది. 44 వాట్ల ఫాస్ట్ చార్జింగ్ మద్దతుతో 5000 ఎంఏహెచ్ కెపాసిటీ గల బ్యాటరీతో వస్తుంది.