డిజిటల్‌ కరెన్సీతో దానిమ్మ పండ్లు కొన్న ఆనంద్‌ మహీంద్రా.. వీడియో వైరల్‌

Anand Mahindra | మహీంద్రా అండ్‌ మహీంద్రా సంస్థ చైర్మన్‌ ఆనంద్‌ మహీంద్రా ఏ కొత్త విషయాన్నైనా వెంటనే సోషల్‌ మీడియాలో పంచుకోవడంలో ముందంజలో ఉంటారు. సోషల్‌ మీడియాలో తనకున్న 1.02 కోట్ల మంది ట్విటర్ ఫాలోవర్‌లకు ఎప్పుడూ ఆసక్తికరమైన వీడియోలు, ఫొటోలు, మెసేజ్‌లను షేర్‌ చేస్తూ ఉత్సాహపరుస్తూనే ఉంటారు.

ముంబై: మహీంద్రా అండ్‌ మహీంద్రా సంస్థ చైర్మన్‌ ఆనంద్‌ మహీంద్రా ఏ కొత్త విషయాన్నైనా వెంటనే సోషల్‌ మీడియాలో పంచుకోవడంలో ముందంజలో ఉంటారు. సోషల్‌ మీడియాలో తనకున్న 1.02 కోట్ల మంది ట్విటర్ ఫాలోవర్‌లకు ఎప్పుడూ ఆసక్తికరమైన వీడియోలు, ఫొటోలు, మెసేజ్‌లను షేర్‌ చేస్తూ ఉత్సాహపరుస్తూనే ఉంటారు. తాజాగా మరో ఇంటరెస్టింగ్ వీడియోను ఆయన సోషల్‌ మీడియాలో షేర్‌ చేశారు.

ఇవాళ రిజర్వ్‌ బ్యాంక్‌ ఆఫ్‌ ఇండియా బోర్డు మీటింగ్‌లో పాల్గొన్న ఆనంద్‌ మహీంద్రా.. భారత డిజిటల్‌ కరెన్సీ అయిన ఈ-రూపీ గురించి ఆ మీటింగ్‌లో వివరంగా తెలుసుకున్నారు. మీటింగ్‌ ముగియగానే బయటికి వచ్చి రోడ్డు వెంట పండ్లు అమ్ముతున్న ఓ వీధి వ్యాపారి దగ్గరికి వెళ్లారు. డిజిటల్‌ రూపీని వినియోగించి అతని దగ్గర దానిమ్మ పండ్లను కొనుగోలు చేశారు. అందుకు సంబంధించిన వీడియోను ట్విటర్‌లో పెట్టారు.

‘ఇవాళ రిజర్వ్‌ బ్యాంక్‌ ఆఫ్‌ ఇండియా బోర్డు మీటింగ్‌లో డిజిటల్‌ కరెన్సీ ఈ-రూపీ గురించి పూర్తిగా తెలుసుకున్నాను. మీటింగ్ నుంచి బయటికి వచ్చిన వెంటనే రోడ్డు వెంట పండ్లు అమ్ముతున్న వీధి వ్యాపారి బచ్చేలాల్‌ సహాని దగ్గరికి వెళ్లి పండ్లు కొన్నాను. దాంతో ఈ-రూపీని యాక్సెప్ట్‌ చేసిన మొదటి వ్యాపారుల్లో బచ్చేలాల్‌ ఒకరయ్యారు’ అని ఆ వీడియోకు ఆనంద్‌ మహీంద్రా క్యాప్షన్‌ కూడా ఇచ్చారు. ఆ పక్కనే ‘గాట్‌ గ్రేట్‌ పొమెగ్రనేట్స్‌ యాజ్‌ వెల్’ అని పేర్కొన్నారు. ఆ వీడియోపై మీరూ ఓ లుక్కేస్తారా..?

At the Reserve Bank’s board meeting today I learned about the @RBI digital currency-the e-rupee. Right after the meeting I visited Bachche Lal Sahani, a nearby fruit vendor who is one of the first merchants to accept it. #DigitalIndia in action! (Got great pomegranates as well!) pic.twitter.com/OxFRWgI0ZJ

— anand mahindra (@anandmahindra) January 25, 2023