టయోటా వాహనాలు ప్రియం

వాహన ధరలను 2.5 శాతం వరకు పెంచుతున్నట్టు టయోటా కిర్లోస్కర్‌ ప్రకటించింది

న్యూఢిల్లీ, జనవరి 5: వాహన ధరలను 2.5 శాతం వరకు పెంచుతున్నట్టు టయోటా కిర్లోస్కర్‌ ప్రకటించింది. ఎంపిక చేసిన మాడళ్ల ధరలను ఈ నెల 1 నుంచే పెంచినట్లు సంస్థ వెల్లడించింది. ఉత్పత్తి వ్యయం పెరగడం వల్లనే ధరలు పెంచాల్సి వచ్చిందని పేర్కొంది. దీంతో కస్టమర్లపై కొంత మేర ప్రభావం చూపనున్నదని పేర్కొంది. ఇప్పటికే పలు ఆటోమొబైల్‌ సంస్థలు మారుతి, హ్యుందాయ్‌, టాటా మోటర్స్‌, మహీంద్రా, హోండా, ఫోక్స్‌వ్యాగన్‌, స్కోడా, ఆడీ, బీఎండబ్ల్యూలు వాహన ధరలను పెంచుతున్నట్టు ప్రకటించాయి.