సింగిల్‌ చార్జింగ్‌తో 170 కిలోమీటర్లు

ప్రముఖ ఎలక్ట్రిక్‌ స్కూటర్‌ సంస్థ ఐవూమి..దేశీయ మార్కెట్‌కు నయా స్కూటర్‌ జీత్‌ఎక్స్‌ జెడ్‌ఈని పరిచయం చేసింది.

• ఐవూమి ప్రత్యేక ఈవీ స్కూటర్‌

న్యూఢిల్లీ, మే 11: ప్రముఖ ఎలక్ట్రిక్‌ స్కూటర్‌ సంస్థ ఐవూమి..దేశీయ మార్కెట్‌కు నయా స్కూటర్‌ జీత్‌ఎక్స్‌ జెడ్‌ఈని పరిచయం చేసింది. సింగిల్‌ చార్జింగ్‌తో 170 కిలోమీటర్లు ప్రయాణించే ఈ స్కూటర్‌ ధరను రూ.80 వేలుగా నిర్ణయించింది. గంటకు 57 కిలోమీటర్లు ప్రయాణించే ఈ స్కూటర్‌ బ్యాటరీ 5.5 గంటల్లో పూర్తిస్థాయిలో చార్జింగ్‌ కానున్నది.

3 కిలోవాట్‌, 2.1 కిలోవాట్ల బ్యాటరీ ప్యాకప్‌తో ఈ స్కూటర్లను తీర్చిదిద్దింది సంస్థ. బ్యాటరీపై ఐదేండ్లు లేదా 50 వేల కిలోమీటర్ల వారెంటీని కల్పిస్తున్నది. డిస్క్‌ బ్రేక్‌, యాంటీ-లాక్‌ బ్రేకింగ్‌ సిస్టమ్‌, ఎలక్ట్రానిక్‌ స్టేబిలిటీ కంట్రోల్‌తోపాటు ఇతర ఫీచర్లతో ఈ బైకును తయారు చేసింది. స్మార్ట్‌ఫోన్‌ కనెక్ట్‌ చేసుకోవచ్చును, ముఖ్యంగా బ్లూటూత్‌ కనెక్టివిటీతో ఎస్‌ఎస్‌ఎం, కాల్‌ అలర్ట్‌ను తెలుసుకోవచ్చును.