Techno Pova | టెక్నో పొవా ఫోన్ల ఆవిష్కరణకు ముహూర్తం ఖరారు.. ఇవీ డిటైల్స్

Techno Pova | చైనా స్మార్ట్ ఫోన్ల తయారీ సంస్థ టెక్నో తన టెక్నో పొవా5, టెక్నో పొవా5 ప్రో ఫోన్లను సోమవారం భారత్ మార్కెట్లో ఆవిష్కరించనున్నది. రెండు ఫోన్లూ ఫాస్ట్ చార్జింగ్ ఆప్షన్లతో వస్తున్నాయి.

Techno Pova | చైనా స్మార్ట్ ఫోన్ల తయారీ సంస్థ టెక్నో.. భారత్ మార్కెట్లో టెక్నో పొవా5 (Techno Pova 5), టెక్నో పొవా5 ప్రో (Techno Pova 5 Pro) ఆవిష్కరణకు ముహూర్తం ఖరారు చేసింది. రెండు ఫోన్లు 120 హెర్ట్జ్ రీఫ్రెష్ రేట్, 240 హెర్ట్జ్ టచ్ శాంప్లింగ్ రేట్‌తో 6.78-అంగుళాల ఫుల్ హెచ్డీ + డిస్ ప్లేతో వస్తున్నాయి.

టెక్నో పొవా5 ఫోన్ (Techno Pova 5).. 45 వాట్ల ఫాస్ట్ చార్జింగ్ సపోర్ట్‌తో 6000 ఎంఏహెచ్ కెపాసిటీ గల బ్యాటరీతోనూ.. టెక్నో పొవా5 ప్రో (Techno Pova 5 Pro) వేరియంట్ 68వాట్ల ఫాస్ట్ చార్జింగ్ సపోర్ట్‌తో వస్తున్నది. రెండు ఫోన్లూ ఈ నెల 14న అంటే సోమవారం మార్కెట్లో లాంచ్ కానున్నాయి. ఆవిష్కరణతోపాటు వీటి ధర ఎంత అన్నది వెల్లడించనున్నది టెక్నో.

రెండు ఫోన్లలోనూ మీడియాటెక్ హెలియో జీ99 ప్రాసెసర్ ఉంటుంది. ఆండ్రాయిడ్13 ఆధారిత హెచ్ఐఓఎస్ 13.1 ఆపరేటింగ్ సిస్టమ్‌పై ఈ ఫోన్లు పని చేస్తాయి. 50-మెగా పిక్సెల్ ప్రైమరీ కెమెరాతోపాటు డ్యుయల్ కెమెరా సెటప్, సెల్ఫీలూ వీడియో కాల్స్ కోసం 8-మెగా పిక్సెల్స్ ఫ్రంట్ కెమెరా ఉంటుంది.

ఇక టెక్నో పొవా5 ఫోన్ మూడు రంగుల ఆప్షన్లు- హరికేన్ బ్లూ, అంబర్ గోల్డ్, మెక్కా బ్లాక్ కలర్స్‌లో, టెక్నో పొవా5 ప్రో వేరియంట్ సిల్వర్ ఫాంటసీ, డార్క్ ఇల్లుషన్ కలర్స్‌లో లభిస్తాయి. డ్యుయల్ 4జీ ఓల్ట్, వై-ఫై, బ్లూటూత్ 5.0, జీపీఎస్, యూఎస్బీ టైప్-సీ పోర్ట్, ఎన్ఎఫ్సీ, 3.5 ఆడియో కనెక్టివిటీ ఉంటుంది.