Silver Price | మరింత వేగంగా వెండి పరుగులు.. రూ.4 లక్షలు దాటిన కిలో ధర

Silver Price | దేశీయంగా బంగారం (Gold), వెండి (Silver) ధరలు మరింత వేగంగా పరుగులు పెడుతున్నాయి. బంగారం ధర దాదాపు రూ.2 లక్షలకు చేరువ కాగా.. వెండి ధర ఫ్యూచర్స్‌ మార్కెట్‌లో ఏకంగా రూ.4 లక్షలు దాటి ఆల్‌టైమ్‌ గరిష్ఠానికి చేరుకుంది.

Silver Price : దేశీయంగా బంగారం (Gold), వెండి (Silver) ధరలు మరింత వేగంగా పరుగులు పెడుతున్నాయి. బంగారం ధర దాదాపు రూ.2 లక్షలకు చేరువ కాగా.. వెండి ధర ఫ్యూచర్స్‌ మార్కెట్‌లో ఏకంగా రూ.4 లక్షలు దాటి ఆల్‌టైమ్‌ గరిష్ఠానికి చేరుకుంది. హైదరాబాద్‌ (Hyderabad) లో ఇవాళ ఉదయం 10 గంటల సమయంలో 24 క్యారెట్స్‌ 10 గ్రాముల బంగారం ధర రూ.1,85,000 దాటింది. వెండి ధర (Silver Rate) రూ.4 లక్షల మార్కును దాటేసింది.

బుధవారం రాత్రి హైదరాబాద్‌ విపణిలో 10 గ్రాముల 24 క్యారెట్స్‌ బంగారం ధర రూ.1,73,300 గా ఉంది. కొన్ని గంటల్లోనే రూ.12 వేలు పెరిగింది. బుధవారం కిలో వెండి ధర రూ.3,79,700 వద్ద ముగియగా.. ఇవాళ ఏకంగా రూ.21 వేలకుపైగా పెరిగి రూ.4 లక్షల మార్కును దాటింది. మల్టీ కమోడిటీ ఎక్స్ఛేంజ్‌లో మార్చి డెలివరీ కాంట్రాక్టుకు ఫ్యూచర్స్‌లో వెండి ధర గురువారం ఒక్కరోజే రూ.22,090 కి పెరిగి రూ.4,07,456 వద్ద సరికొత్త జీవనకాల గరిష్ఠాన్ని తాకింది.

అంతర్జాతీయ మార్కెట్‌లోనూ బంగారం, వెండి ధరలు రికార్డు స్థాయిలో పెరుగుతున్నాయి. ఔన్స్‌ వెండి ధర తొలిసారి 5,600 డాలర్ల మార్క్‌ దాటింది. కమోడిటీ ఎక్స్ఛేంజ్‌లో ఏప్రిల్‌ డెలివరీకి ఔన్సు ధర రూ.5,626.8 డాలర్లు పలికింది. ఔన్సు వెండి ధర రూ.119.51 డాలర్లకు చేరింది. అమెరికా డాలర్‌ విలువ బలహీనపడటం, వెండికి పరిశ్రమల నుంచి డిమాండ్‌ పెరగడంతో వైట్‌ గోల్డ్‌కు రెక్కలొచ్చాయని బులియన్‌ విశ్లేషకులు చెబుతున్నారు.

కాగా అంతర్జాతీయంగా భౌగోళిక, రాజకీయ అనిశ్చితుల నేపథ్యంలో బంగారం, వెండిని సురక్షిత పెట్టుబడి సాధనంగా మదుపర్లు భావిస్తున్నారు. ఇది కూడా ధరల పెరుగుదలకు కారణం అవుతోంది.